Lukas 12:5 - Vengo (Babungo)

⁵ Mə taa tɨ viŋ nə wə ntɨə faŋ kaꞌ viŋ kɨ fee. Bàw viŋ kɨ fee Nwi, faŋ kaꞌ ŋwə zwì wə, baa kìi wutə maa məkwaŋ ŋwə taa wisə bwənə. Yinsəŋ, mə gì tɨ́ viŋ laa viŋ kɨ fee Nwi.

Lukas 12:5 Iomraidhean Croise

Matiu 10:28

Kɨ viŋ kɨ fee vɨɨ mbɨə faŋ kaꞌ vəŋ zwìlə yiŋwaa yiŋ, kee kɨɨ zwi zwitə kiŋ me. Viŋ fee sheꞌ Nwi faŋ kaꞌ ŋwə zwì zwitə kiŋ nə ŋwaa wiŋ maa shəŋ vəŋku və nsisə vəbwəvə taa wi.

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 25:46

Vɨɨ bwənə vɔ́ ndɔ ŋii taa ŋɨꞌ yikwalə faŋ nyə gòꞌsə yighee muꞌ. Gə fɨ maa vɨɨ jəənə vɔ́, vəŋ zɨ məbwey vəlwaŋ faŋ ŋwə gòꞌsə yighee muꞌ.»

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Mark 13:23

Nɨniŋ, viŋ kɨ tɔfə! Maa mə duꞌtə mə naysə vənu vənshə tɨ́ viŋ, buu mbə ndɔ gay.»

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

Hibru 10:31

Lùu nu ŋwaa nyɔɔtə tɨ́ wə ntɨə faŋ ŋwə ŋìi nsɔꞌ Nwi, faŋ lùu Nwi bwey.

2 Pita 2:4

Viŋ kɔꞌ kɨɨ laa, yighee njyə faŋ ŋkee nshiisə-ŋiisə Nwi nə yɨ̀ nu bwə, Nwi nə kee mèꞌtə vəŋ me. Nwi nə kwaŋ vəŋ taa shəŋ wi faŋ ŋwə kee yaa kɨ ndɨɨnə me. Vɨ ka vəŋ nə vəsumə, vəŋ duꞌ taa shəŋ mfiŋsə, vəŋ taa goꞌ yifi gə ziꞌ tɨ́ shi nsɔꞌ Nwi.

Reveleyshən 14:7

Ŋwə nə gì nə gɨ yishaꞌsə laa, «Viŋ kɨ fee Nwi, bəŋsə ŋwə, buꞌ laa yighee njyə faŋ ŋwə taa shoꞌtə vənu və vɨɨ kùꞌnə. Viŋ kɨ bəŋsə wə ntɨə faŋ ŋwə nə bɔ̀ŋ yizɔ ghɔ nsi, nə mamuu, nə vəkoꞌ-fɨ-nsi faŋ muu fuu fɨ fuŋ nə.»

Reveleyshən 15:4

Wə ntɨə faŋ ŋwə kee fee yizii yə, bəŋsə ghɔ me, sii lùu ndə, Mɔꞌmbi? A bàw shɨlə, sheꞌ ghɔ nɨnɔŋ wə. Vɨɨ vənshə fɨ taa mbi ndɔ jwi kɨ bəŋsə ghɔ, buꞌ vənu mbɨə faŋ a yɨsə vəloomə, mbə fuu yikəꞌ vɨɨ.»

Reveleyshən 20:14

kɨ nii mɔ̀ꞌ yiku ghɔ shɨ yiku taa shəŋ wi kwalə. Lùu məku faŋ wə ndɔ ku lwesə ghee bɔɔ taa shəŋ wi ghɔ́.