Lukas 12:42 - Vengo (Babungo)

⁴² Tɨta Yeso gi laa, «Nshiiŋii faŋ vənu vi lùu vəbi, faŋ ŋwə baa lùu tɔfə, lùu ndə, faŋ tɨɨ fu nùŋsə vɨɨ vi vənshə taa ghɔ ŋwə, laa ŋwə kɨ kɔ mfɨꞌ fazɨ vəŋ tɨ́ vəŋ maa yighee njyə faŋ nyə kùꞌnə?

Lukas 12:42 Iomraidhean Croise

Matiu 13:52

Ŋwə gi tɨ́ vəŋ laa, «Wuu məkɨɨ nə ŋwaꞌlə Nwi ŋgwə faŋ ŋwə zwètə nu yifwàŋ yizɔ, lùu yaa tɨɨ fu, faŋ ŋwə nùŋsə vətɔ vi vənshə taa ŋii ŋwə, tɨ́ kɨ kaꞌ ŋwə kɨ fuusə vətɔ vəfivə fɨ fuŋ ghɔ vəmwavə.»

Matiu 20:8

Kɨ lùu laynəfu, tɨɨ faꞌ ghɔ́ gi tɨ́ nshiiŋii yi laa ŋwə tii vɨɨ faꞌ vɔ́, ndɔ̀ꞌ vəŋ, tèy fɨ maa vɨɨ mbɨə faŋ vəŋ nə jwì fɨ yiba, gə kɔ tɨ́ vɨɨ vənzi.

Lukas 12:43

Mənɔŋ-bwaŋnə tɨ́ wuu faꞌ ŋgwə faŋ tɨɨ faꞌ wi kɨ jwi, ye ŋwə, ŋwə nə yɨ̀sə nɨniŋ.

Lukas 7:13

Tɨta Yeso ye wəzwi ghɔ́, kèe gəŋsə maa ŋwə, gì tɨ́ ŋwə laa kɨ ŋwə baa gwia me.

Lukas 7:19

tɔŋ vəŋ tɨ́ tɨta Yeso maa məbitə tɨ́ ŋwə laa ŋwə lùu wə ntɨə faŋ Nwi nə kɔ̀ꞌnə laa ŋwə ndɔ jwi nə mu, mu bàw vɨ kɨ kɨꞌ wuu day?

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

1 Timoti 5:17

Bàw vɨ kɨ fee vɨɨ taa mbɨə faŋ vəŋ lùu tɔ taa məshəŋtə vɨɨ Nwi, faŋ vəŋ faꞌ faꞌ vəŋ jəə. Kɨsə kɔ feenə tɨ́ vɨɨ taa vɔ́ faŋ vəŋ sàŋ ŋwaa vəŋ maa məfɨꞌtə nu Nwi, baa twelə ŋiꞌ ki.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

Hibru 13:17

Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

Hibru 13:7

Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

Hibru 3:5

Gə̀ fɨ maa Mose, faŋ vɨ nyɔ̀ꞌ laa ŋwə nə luu wuu yinsəŋ maa vəfaꞌ vənshə faŋ ŋwə nə fàꞌ taa ŋii Nwi nə, ŋwə nə yɨsə yuu wuu faꞌ Nwi, fɨꞌtə vənu mbɨə faŋ Nwi nəə kəə laa ŋwə kɨ gisə.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.