Lukas 12:22 - Vengo (Babungo)

²² Yeso baa kɨ gì tɨ́ vɨɨ məzwetə nu ki laa, «Viŋ zɔ! Mə gi tɨ́ viŋ laa kɨ viŋ kɨ saŋ ŋwaa wiŋ buꞌ nu məbwey kiŋ, laa viŋ sii taa zɨ kə me, kee kɨ saŋ ŋwaa wiŋ buꞌ nu ŋwaa kiŋ, laa viŋ sii taa shuŋ kə me.

Lukas 12:22 Iomraidhean Croise

Lukas 12:11

Kɨ luu vɨ ndɔ ndi viŋ, gə̀ nə viŋ taa ndɔꞌ nsɔꞌsə, nə vɨsɨ məshəŋtə kwalə, kɨ viŋ lɔꞌ, kɨ kwaꞌtə laa viŋ sii taa fi tɔ kiŋ kɨkə me, tɨꞌnə me laa viŋ taa gi laa kə me.

Lukas 12:23

Maa məbwey wə shɔ̀ɔ fazɨ ki. Ŋwaa wə shɔ̀ɔ njwi si.

Lukas 12:29

Nɨniŋ, kɨ viŋ kɨ tə sɨ maa fa ŋkɨə faŋ viŋ taa zɨ me, tɨꞌnə me maa fa ŋkɨə faŋ viŋ taa nu me. Kɨ viŋ bɨŋ maa vətɔ vɔ́ me.

1 Kɔrintian 7:32

Mə kəə laa, kɨ vənu baa kɨ ghaysə viŋ me. Vɨɨ faŋ vəŋ kee yindaa me, lumə sheꞌ vənu və Nwi, kəə jɨɨsə maa məyɨsə too Kristo baw.

Filipi 4:6

Kɨ viŋ baa kɨ ghaysə ŋwaa kɔ̀ŋ vətɔ faŋ kaꞌ mbə taa bəə fɨ ghɔ viŋ me. Viŋ kɨ kii bee shɔꞌtə Nwi ghee nshə, kɨ naysə vətɔ mbɨə faŋ viŋ kəə tɨ́ Nwi. Faŋ viŋ ndwaŋ Nwi, bàw viŋ baa bwàŋ ŋwə nɨzi.

Hibru 13:5

Viŋ baꞌsə fwi yiŋ fɨ maa məkaw ka, bee kii suꞌsə ŋwaa nsi, laa vətɔ mbɨə faŋ viŋ kii, kuꞌnə tɨ́ viŋ. Viŋ lumə laa nshɨ-tɔ Nwi nə gì laa, «Kaꞌ mə kee ndènə ghɔ me, tɨꞌnə me mèꞌtə ghɔ me.»