Lukas 12:21 - Vengo (Babungo)

²¹ Lùu nu ŋkɨə faŋ ŋkə gay maa wə tɨ̀ me wə faŋ ŋwə yaa kɨ baytə vətɔ vəyaŋ, fwi yi kee kɨ luu maa Nwi me.»

Lukas 12:21 Iomraidhean Croise

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 16:11

Nɨniŋ, viŋ kɨ luu kee yɨ nu faŋ lùu nu bi nə ka mbuulə me, buu kaꞌ Nwi kɔ nu yinsəŋ tɨ́ viŋ kɨkə?

Lukas 6:24

Yeso baa gi laa, «Ndwaŋ tɔ viŋ, vɨɨ təka, buꞌ laa fwi siŋ dùꞌ nə məŋaytə ndwə.

Roma 2:5

Luu nə, a shii dɨdɨꞌ, kee kaw kwiinə fwi yə me, kɨ yɨsə vənu vəbwəvə. Nɨniŋ, a yɨ laa nsɔꞌ yə ndɔ luu yiweꞌ maa shi ŋkɨə faŋ Nwi ndɔ kɨ sɔꞌ mbi maa yinsəŋ yi ntee.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

1 Timoti 6:9

Vɨɨ mbɨə faŋ vəŋ kəə fùꞌ ka, yaa kɨ gu maa nu faŋ zwitə bwə bwèꞌsə vəŋ shɔ, baa kɔ̀ꞌsə vəŋ shɔ, fwisə vəŋ ndɔ maa vətɔ vəyaŋ faŋ lùu vətɔ və mfaw, bɨsə fwisə vɨɨ, yɨsə vəŋ ŋii yiku faŋ nyə shɔ̀ɔ ki, nɨniŋ ndɔ ndi.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

Reveleyshən 2:9

«Mə kɔꞌ kɨɨ nə ŋɨꞌ yə, nə bəə kə. Luu nə, a kìi yiyaŋ maa jɨɨ yiday. Mə kɨɨ nə ndisə vɨɨ nɨzi, faŋ vəŋ ndasə ghɔ shɔ nə. Lùu vɨɨ faŋ vəŋ gì laa vəŋ lùu vɨɨ Jus. Luu nə, vəŋ kee lùu vɨɨ Jus yinsəŋ me. Ŋii məshəŋtə vəŋ lùu ŋii məshəŋtə Satan, tɨɨ vəzwitə vəbwəvə.