Lukas 12:19 - Vengo (Babungo)

¹⁹ Mə yɨ nɨniŋ, buu mə taa gi fɨ taa fwi mə laa vətɔ vaŋ faŋ mə nuŋsə, yaŋ, kùꞌnə maa ŋuꞌsə səyaŋ, kaꞌ mə shəŋ ŋwaa, kɨ nu, ndɔ zɨ, ŋaytə.»

Lukas 12:19 Iomraidhean Croise

Lukas 12:18

Ŋwə nə bɨ̀ꞌtə nɨniŋ, gì laa, «Mə kɔꞌ kɨɨ nə nu ŋkɨə faŋ mə taa yɨsə; mə taa sɔꞌ təshia taa, baa fìa ŋkee təkwalə, buu kaꞌ mə taa nuŋsə vətɔ vəzɨvə vaŋ, nə vətɔ vaŋ vənshə shɔ.

Lukas 16:19

Yeso nə baa tìi yigisə tii yimɔ́ꞌ laa, «Tɨɨ ka mɔ́ꞌ nə luu shɔ, mɔꞌ vədalə nə njwisə fusə faŋ nsə bàw shɔ̀ɔ, zɨ ŋkee fazɨ jəə vəshi vənshə.

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

1 Kɔrintian 15:32

Yighee njyə faŋ mə nə luu shɨ Efesɔs, mə nə luu taa ŋɨꞌ, ŋkə nə luu yuu mə nywenə yia nyaasə shəsə fɨ taa gay. Ŋkə nəə toꞌ maa lùu laa vɨ yweysə vɨɨ fɨ shɨ yiku me, buu sey ŋgwə faŋ mə kìi, faŋ mə yɨ̀sə kəŋ vənu ghɔ́ nə, sii lùu kə? Ŋkə toꞌ kee lùu laa vɨɨ ndɔ ywey fɨ shɨ yiku me, buu ŋkə bàw laa mə gi tɨ́ viŋ laa «Nsiŋ kɨ zɨ, ndɔ nu məluꞌ, zə̀ yiŋwaa nyaa-nsiŋ, buꞌ laa mbisɨ nsiŋ taa kukə.»

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

1 Timoti 5:6

Luu nə, zu ŋku mɔ́ꞌ kɨ luu toꞌ zɨ shɨ, buu ŋwə toꞌ lùu ŋku wə.

1 Timoti 6:17

Kɨ̀ tɨsə vɨɨ faŋ lùu vɨɨ təka maa yighee mbi nyə̀ laa, kɨ vəŋ kɨ koꞌsə ŋwaa me, kee kɨ nuŋ fwi vəŋ maa ka faŋ lùu fa dayday me. Bàw vəŋ nuŋ fwi vəŋ sheꞌ maa Nwi, faŋ kɔ ŋwə kɔ vətɔ vənshə tɨ́ nsiŋ, mbə yaŋ, nsiŋ zɨ nə.

2 Timoti 3:4

sɨɨ təba tɔ vɨɨ, kee fee nu me, məmwa, kaw maa məzɨ vətɔ, kee kaw Nwi me.

Jeyms 5:5

Viŋ tia yiŋwaa yiŋ shɨ nsi feenə, yɨ vənu vənshə faŋ viŋ kàw, zɨ kwalə yaa nyaasə faŋ nsə kɨꞌ shi ŋkɨə faŋ vɨ taa sɨɨ.

1 Pita 4:3

Maa viŋ yaa kɨ yɨsə vənu vəbwəvə tay, sheꞌ yaa vɨɨ tətɔŋ fu faŋ vəŋ kee kɨɨ nə Nwi me, yɨsə nə. Viŋ nə kàw maa mətoꞌ zɨ shɨ, toꞌ səsə vətɔ, nu məluꞌ, mbə shɔɔ sɨ viŋ. Viŋ nə toꞌ tia yiŋwaa yiŋ, toꞌ fɨ maa vəshəŋ faŋ vɨ nu məluꞌ məyaŋ, biŋ vənwi vədayday, faŋ Nwi nə lɨ̀ꞌtə nu vəŋ nə. Ŋkə kuꞌ nɨniŋ.

Reveleyshən 18:7

Viŋ kɔ ŋɨꞌ tɨ́ ŋwə yiyaŋ shɔ̀ɔ faŋ məzɨ ŋwaa nə vətɔ vəjəəvə faŋ ŋwə nə zɨ̀ ŋwaa wi shɔ nə, buꞌ laa ŋwə bɨꞌtə fɨ taa fwi ŋwə laa yi duꞌ feenə yaa fwàŋ, kee lùu zu ŋku me, kee ndɔ kii nu məluŋ me.