Lukas 12:1 - Vengo (Babungo)

¹ Kɨ lùu maa yighee yɔ́, vɨɨ ŋkaŋsə ŋkaŋsə nə baytə shəŋ muꞌ, wə toꞌ fɨ fuu ŋwaa liŋ wi, wə toꞌ fɨ fuu ŋwaa liŋ wi. Yeso bɨ gì tɨ́ vɨɨ məzwetə nu ki laa, «Viŋ ndɨɨnə maa nu vɨɨ Farisii, faŋ vəŋ yaa kɨ boꞌ ŋwaa, buꞌ laa lùu nu faŋ kaꞌ ŋkə yasə saynə taa ŋwaa vɨɨ, sheꞌ faŋ fənsɨŋ yaa kɨ saynə taa bee, ŋkə mwa.

Lukas 12:1 Iomraidhean Croise

Lukas 11:44

Ndwaŋ tɔ viŋ! Viŋ lùu yaa təswi faŋ vɨ kee yishwenə me, faŋ vɨɨ toꞌ fɨ fuu yi, kee kɨɨ me.»

Lukas 12:56

Aŋ viŋ, vɨɨ məboꞌ ŋwaa! Viŋ kɔꞌ kɨɨ naysə vəshwenə faŋ nsi dùꞌ ghɔ yizɔ. Sii yɨ kə viŋ kee kɨɨ naysə faŋ yighee ndwə nyə̀ dùꞌ me?»

Lukas 5:1

Shi mɔ́ꞌ Yeso nə luu mbɨɨ maghia Genesaret. Vɨɨ tɨŋ yɨ ŋwə maa məzɔ nu Nwi.

Lukas 5:15

Luu nə, faŋ Yeso nə kɔlə gì nɨniŋ nə, təgi kɔ̀ŋ Yeso baa metə sɨsaynə shɨ kənshə, vɨɨ vəyaŋ baytə maa məzɔ yigisə yi, baa nə maa məshuꞌ vəza vəvəŋ.

Lukas 6:17

Yeso kɨ nii sìꞌ fɨ fuu baŋ yɔ́ ghɔ vɨ vɨɨ mbɨə faŋ ŋwə nii shòꞌ vəŋ nə, zìꞌ maa shəŋ gheesə mɔ́ꞌ, tɨ̀ŋnə shɔ. Nwaa vɨɨ məzwetə nu ki vəyaŋ baytə yɨ ŋwə, nə nwaa vɨɨ vəyaŋ faŋ vəŋ nə ndɔ̀ fɨ Jerusalem, nə fɨ taa ntɨꞌsə Judia səmɔ́ꞌsə, nə fɨ taa məshɨ mə Tayra nə Sidon, faŋ mbə lùu mbɨɨ muu.

Akts 21:20

Faŋ vəŋ nə zɔ̀ nɨniŋ, bə̀ŋsə Nwi, kɨ nii gì tɨ́ Pɔɔl laa, «Weenshu wia, a kɔꞌ kɨɨ laa vɨɨ Jus shɔ ŋkaŋsə ŋkaŋsə, faŋ vəŋ biŋ nu Kristo. Vəŋ vənshə baa wèꞌ maa ntɨsə Nwi.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

Hibru 12:22

Gə fɨ maa viŋ, shəŋ ŋkɨə faŋ viŋ jwì tɨ̀ŋ shɔ, luu ŋkee nɨŋkwiŋ. Viŋ tɨ̀ŋ luu yɨ baŋ njyə faŋ vɨ tii nə baŋ Zayon. Viŋ jwì luu shɨ Nwi, faŋ lùu Nwi bwey. Lùu shəŋ ŋkɨə faŋ Nwi lùu shɔ yizɔ. Vɨ tii shəŋ kɔ́ nə Jerusalem fɨ yizɔ. Nshiisə-ŋiisə Nwi faŋ kaꞌ wə kee say me, bàytə yifi, kɨ ŋaytə.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.