Lukas 11:42 - Vengo (Babungo)

⁴² Wii, vɨɨ Farisii! Viŋ kɔ way fa kəmuꞌ fɨ taa vətɔ yighuŋ tɨ́ Nwi, ŋkee fɨ taa vəmbasə və biisə viŋ, nə vətɔ vəghilə faŋ viŋ fuꞌ fɨ taa biisə. Luu nə, viŋ shiasə nu loomə nə ŋkawnə Nwi. Bàw viŋ kɨ yɨsə nu loomə nə nu ŋkawnə, kee kɨ manə vənu mbii-wə me.

Lukas 11:42 Iomraidhean Croise

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 23:23

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii, viŋ lùu vɨɨ məboꞌ ŋwaa! Viŋ kɔ way kəmuꞌ fɨ taa vəway yighuŋ tɨ́ Nwi, kɔ ŋkee fɨ maa vətɔ və taa biisə vəghilə. Luu nə, viŋ shìasə maa məzɔnə nu ŋkɨə faŋ ŋkə lùu kəkwalə fɨ taa ntɨsə Nwi, yaa nu loomə, nə nu məkee gəŋsə, nə mənuŋ fwi maa Nwi. Bàw viŋ yɨsə yimbii vənu, kee kɨ manə vəmɔ́ꞌ me.

Matiu 23:27

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii, viŋ luu vɨɨ məboꞌ ŋwaa. Viŋ fɨ̀nə təswi faŋ vɨ zwìsə nə fɨŋ. Ntə luu ŋkee təjəə fɨ fu, luu nə, taa tey wi luu ŋkee bwə, baa lwàŋ nə vəwutə vəŋku və vɨɨ.

Lukas 18:12

Mə yaa kɨ baŋ fazɨ maa vəshi vəbɔɔ tɔ yiwiŋ tɔ yiwiŋ, baa ndɔ kɔ way kəmuꞌ fɨ taa vəshəŋ və vətɔ vaŋ yighuŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:42

Mə kɔꞌ kɨɨ laa viŋ kee kàw Nwi taa fwisə viŋ me.

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.