Lukas 11:36 - Vengo (Babungo)

³⁶ Fwi yə kɨ luu ley yinshə, tuu wee-shəŋ fəŋ kee luu taa tey yi me, buu nshinə yə luu ŋkee yiley. Luu sheꞌ faŋ kiꞌ yaa kɨ bee, kɔ məley tɨ́ ghɔ.»

Lukas 11:36 Iomraidhean Croise

Matiu 13:52

Ŋwə gi tɨ́ vəŋ laa, «Wuu məkɨɨ nə ŋwaꞌlə Nwi ŋgwə faŋ ŋwə zwètə nu yifwàŋ yizɔ, lùu yaa tɨɨ fu, faŋ ŋwə nùŋsə vətɔ vi vənshə taa ŋii ŋwə, tɨ́ kɨ kaꞌ ŋwə kɨ fuusə vətɔ vəfivə fɨ fuŋ ghɔ vəmwavə.»

Matiu 5:15

Vɨ kee yaa kɨ shuꞌ kiꞌ, ndi kay kusə tɔ yi me. Vɨ yaa kɨ tə kiꞌ luu fuu shəŋ mətə kiꞌ, tɨ́ kaꞌ vɨɨ vənshə faŋ vəŋ lùu taa ŋii, kɨ ye vədɨꞌ fuŋ.

Lukas 11:35

Məley Nwi faŋ ŋwə lùu taa fwi ghɔ, luu sheꞌ nɨndɨŋ. Kɨ tɔfə laa məley Nwi ghɔ́ kee mè fɨ taa fwi ghɔ me!

Lukas 11:37

Yeso gi nɨniŋ, wuu Farisii mɔ́ꞌ tii ŋwə laa ŋwə jwi, ghɔ ŋwə zɨ. Ŋwə gə ŋìi taa ŋii wə ghɔ́, dùꞌ nsi maa məzɨ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Hibru 5:14

Wə ntɨə faŋ ŋwə duꞌtə ŋwə ta, ŋwə zɨ ŋkee fazɨ. Ŋwə duꞌtə ŋwə zwetə maa məbɨꞌtə nu, tɨ́ kaꞌ ŋwə kɨɨ nə nu bwə, baa nə nu jəə.

Jeyms 1:25

Wə kɨ luu ndeynə ntɨsə Nwi, goꞌsə shɔ, kee lùu yaa wə faŋ ŋwə zɔ ndènə me, luu nə, lùu yaa wə faŋ ŋwə zɔ kɨ yɨsə, buu mənɔŋ-bwaŋnə Nwi lùu tɔ wə ghɔ́ faŋ ŋwə yɨ nu kɔ́ nə. Ntɨsə Nwi bàw shɨ̀lə, yɨsə nsiŋ fuu fɨ ghɔ nu bwə, duꞌ jəə.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.