Lukas 11:34 - Vengo (Babungo)

³⁴ Kiꞌ ŋwaa wə luu sɨ ghi. Sɨ ghə kɨ luu, lùu jəə, buu ŋwaa wə nshə kìi məley. Kɨ luu sɨ ghə bɨ, ŋwaa wə fə̀ŋ.

Lukas 11:34 Iomraidhean Croise

Mark 4:12

Ŋwə gi nɨniŋ, baa gì faŋ vɨ nyɔ̀ꞌ taa ŋwaꞌlə Nwi laa, «Ŋkə lùu nɨniŋ laa vəŋ kɨ ye, kee ye me, zɔ, kee kɨɨ me, tɨ́ kɨ kaꞌ vəŋ kee ndɔ kwiinə fwisə vəŋ me, Nwi kee ndènə yibɨsə vəŋ me.»

Mark 7:22

nə nu mətii vəki, nə nu məsəsə vətɔ, nə nu yibɨsə njyoꞌ, nə nu kəmfuŋsə, nə nu məzɨ shɨ, nə məshiasə vɨɨ, nə nu məndeynə vɨɨ nə sɨ bwənə, nə mənda wə, nə məkoꞌsə ŋwaa, nə nu mfaw,

Mark 8:18

Sɨ ghiŋ shɔ, viŋ kee yɨye yimu? Tuulə ghiŋ shɔ, viŋ kee zɨzɔ yimu?

Lukas 11:35

Məley Nwi faŋ ŋwə lùu taa fwi ghɔ, luu sheꞌ nɨndɨŋ. Kɨ tɔfə laa məley Nwi ghɔ́ kee mè fɨ taa fwi ghɔ me!

Akts 13:11

Wutə Mɔꞌmbi taa jia ghɔ ndee, sɨ ghə fɨ. Maa kuŋtə yighee, a kee baa yè shɨshwi me.» Sheꞌ yighee yɔ́ mfiŋsə gu sɨ ŋwə, ŋwə toꞌ kə̀ə vɨɨ yuu vɨ jia kwiŋ wi, də̀ jɨɨ tɨ́ ŋwə.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 6:5

Gə fɨ maa viŋ, vəbuꞌ, viŋ kɨ zɔnə vətɨɨ viŋ fɨ shɨ nsi nə feenə nə məlɔꞌ, baa nə fwi yijəə, yɨ nɨniŋ sheꞌ faŋ viŋ yɨsə tɨ́ tɨta Kristo.

Kɔlɔsii 3:22

Gə fɨ maa viŋ vəbuꞌ, viŋ kɨ zɔnə vɨɨ mbɨə faŋ vəŋ kìi viŋ taa mbi nyə̀ maa vənu vənshə. Kɨ viŋ kɨ zɔnə vəŋ sheꞌ maa yighee njyə faŋ vəŋ lùu yɨ viŋ me, yaa vɨɨ faŋ vəŋ yaa kɨ tə sɨ maa məbəŋsə vɨɨ. Viŋ kɨ faꞌ nə fwi yimuꞌ maa jɨɨ yijəə, yaa vɨɨ faŋ vəŋ fee Nwi.