Lukas 11:2 - Vengo (Babungo)

² Ŋwə gi tɨ́ vəŋ laa, «Viŋ taa kɨ shɔꞌtə Nwi, viŋ gì laa lee, «Tɨta Nwi, məbəŋsə lùu maa yizii yə. Bàw yifwàŋ yə jwi.

Lukas 11:2 Iomraidhean Croise

Matiu 10:32

Viŋ zɔ! Wə tɨ̀ me wə faŋ ŋwə bìŋ mə ntee vɨsɨ vɨɨ, buu mə ndɔ biŋ ŋwə nɨzi vɨsɨ Tii ŋwaa faŋ ŋwə lùu yizɔ.

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Lukas 11:1

Shi mɔ́ꞌ Yeso baa dùꞌ maa shəŋ kəmɔ́ꞌ, kɨ shɔꞌtə Nwi. Ŋwə shɔꞌtə Nwi mètə, wə mɔ́ꞌ fɨ taa ŋwaa vɨɨ məzwetə nu ki gi tɨ́ ŋwə laa, «Tɨta, deesə yia maa məshɔꞌtə Nwi, sheꞌ faŋ Jɔn nə dèesə vɨɨ məzwetə nu ki nə nɨzi.»

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 8:15

Zwitə ŋkɨə faŋ viŋ yaa fi nə, kee yɨsə laa viŋ gu vəbuꞌ, baa kɨ fee me. Zwitə kɔ́ yɨsə laa viŋ luu vaŋ Nwi binə. Nɨniŋ, nsiŋ tii ŋwə laa, «Aŋ Tii wia.»

1 Kɔrintian 1:3

Nwi, Tii ŋwaa-nsiŋ, ghɔ tɨta Yeso Kristo, tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

2 Kɔrintian 1:2

Nwi, Tii ŋwaa-nsiŋ, nə tɨta Yeso Kristo tu mənɔŋ-bwaŋnə nə məduꞌ-nyɔŋ tɔ viŋ.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Efesɔs 1:2

Nwi, Tii ŋwaa-nsiŋ, nə tɨta Yeso Kristo, tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ!

Filipi 1:2

Nwi, tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ.

Filipi 4:20

Nɨniŋ, nsiŋ kɨ bəŋsə Nwi, tii ŋwaa-nsiŋ, ghee nshə. Ŋkə goꞌsə nɨniŋ.

Kɔlɔsii 1:2

faŋ yia nyɔ̀ꞌ ŋwaꞌlə ŋwə̀ tɨ́ viŋ, vɨɨ ley Nwi fɨ shɨ Kɔlɔsii. Viŋ lùu vaŋ-nshwi via fiiba jɨŋ Kristo, buꞌ faŋ viŋ nùŋ fwi siŋ maa ŋwə. Nwi, Tii ŋwaa-nsiŋ, tu mənɔŋ-bwaŋnə tɔ viŋ, kɔ̀ viŋ nə zutə.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»

Reveleyshən 15:4

Wə ntɨə faŋ ŋwə kee fee yizii yə, bəŋsə ghɔ me, sii lùu ndə, Mɔꞌmbi? A bàw shɨlə, sheꞌ ghɔ nɨnɔŋ wə. Vɨɨ vənshə fɨ taa mbi ndɔ jwi kɨ bəŋsə ghɔ, buꞌ vənu mbɨə faŋ a yɨsə vəloomə, mbə fuu yikəꞌ vɨɨ.»

Reveleyshən 19:6

Mə baa zɔ̀ gɨ yimɔ́ꞌ yaa nwaa vɨɨ vəyaŋ, luu yaa muu məyaŋmə, baa nə yaa məbwələ yibay, vəŋ gi laa, «Nsiŋ kɨ bəŋsə Nwi, buꞌ laa tɨta Nwi Nshɔɔ-mbi, faŋ lùu Nwi ŋwaa-nsiŋ nə, tey kɨ sɔꞌ mbi.

Reveleyshən 20:4

Mə baa yè yiley vəŋkaw və məsɔꞌ mbi. Vɨɨ fuu dùꞌ fuu vəŋkaw vɔ́, Nwi nuŋ vəŋ maa vɨɨ məshia nsɔꞌsə. Mə kɨ nii yè vəŋku və vɨɨ mbɨə faŋ vɨ nə shètə yitɔ yivəŋ, buꞌ faŋ vəŋ nə biŋ nu Kristo ntee, baa fɨꞌtə nu Nwi tɨ́ vɨɨ nə. Nə luu vəŋku və vɨɨ mbɨə faŋ vəŋ nə kee bə̀ŋsə nyaa yì nə fənyia fi me, kee biŋ laa vɨ shwey ŋgwia vəŋ mbootɔ vəŋ me, tɨꞌnə me ghɔ vəŋ me. Vəŋ ywey, kɨ sɔꞌ mbi ghɔ vɨ Kristo ŋuꞌ ŋkaŋ.