Lukas 11:18 - Vengo (Babungo)

¹⁸ Yifwàŋ Satan, tɨɨ vəzwitə vəbwəvə, nəə toꞌ gaasə ŋwaa wi vəway vəbɔɔ, buu kaꞌ yifwàŋ yi tɨŋnə kɨkə? Nɨniŋ, kaꞌ viŋ kee baa kɨ gisə laa Satan yiba jɨŋ mə, buu mə kɨ fuusə vəzwitə vəbwəvə nə me.

Lukas 11:18 Iomraidhean Croise

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 12:26

Nii toꞌ lùu laa tɨɨ vəzwitə vəbwəvə jɔŋ nshɨ-tɔ wi fɨ maa wə, buu ŋwə gàasə vəway vəbɔɔ, buu kaꞌ nu yifwàŋ ki baa tɨ̀ŋnə kɨkə?

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Lukas 11:15

Luu nə, vɨɨ mɔ́ꞌ fɨ taa ŋwaa vɨɨ vɔ́ gi laa, «Tɨɨ vəzwitə vəbwəvə yiba jɨŋ ŋwə, buu ŋwə kɨ fuusə vəzwitə vəbwəvə fɨ maa vɨɨ.»