Lukas 11:13 - Vengo (Babungo)

¹³ Nɨniŋ, faŋ viŋ kɨ̀ɨ maa məkɔ vətɔ vəjəəvə tɨ́ vaŋ viŋ, faŋ viŋ kɔlə lùu vɨɨ bwənə nə, buu tɨta Nwi faŋ ŋwə lùu yizɔ nə, kɨɨ kɔ jəə shɔ̀ɔ viŋ. Ŋwə taa kɔ Zwitə Ley ki tɨ́ vɨɨ mbɨə faŋ vəŋ ndwaŋ fɨ ghɔ ŋwə.»

Lukas 11:13 Iomraidhean Croise

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Matiu 5:45

Nɨniŋ laa viŋ luu vaŋ tɨta Nwi, Tii wiŋ fɨ yizɔ, buꞌ faŋ ŋwə yɨsə shɨshwi wi bee tɔ vɨɨ bwənə nə vɨɨ jəənə, tɔŋ yighuu tɨ́ vɨɨ vənu vəloomə nə tɨ́ vɨɨ faŋ vənu vəvəŋ kee lùu vəloomə me.

Matiu 6:14

Viŋ kɨ luu kɨ ndenə yibɨsə vɨɨ faŋ vəŋ nə yɨ maa viŋ, buu Nwi, Tii wiŋ fɨ yizɔ, taa kɨ ndenə yibɨsə yiŋ nɨzi.

Matiu 6:30

Nɨniŋ, faŋ Nwi mɔꞌ ŋkee njwisə jəəsə maa təgay fɨ taa tɔɔ nə, faŋ lùu ndee, fu taa kɨ lee, vɨ ndì maa ŋkɔꞌ, twaŋ, maa kɨ kaꞌ Nwi kɨ mɔꞌ njwisə maa viŋ shɔɔ yinsii.

Matiu 6:32

Vətɔ vɔ́ vənshə luu sheꞌ vətɔ faŋ vɨɨ məmanə Nwi tə̀ sɨ shɔ nɨzi. Maa tɨta Nwi, Tii wiŋ fɨ yizɔ, kɔꞌ kɨɨ laa kaꞌ viŋ kee bwèy, bə̀ə vətɔ vɔ́ me.

Matiu 7:11

Nɨniŋ, faŋ viŋ yaa kɨ kɔ vətɔ vəjəəvə tɨ́ vaŋ viŋ nə, faŋ viŋ kɔlə lùu vɨɨ bwənə, buu tɨta Nwi, Tii wiŋ fɨ yizɔ, taa kɨ kɔ vətɔ vəjəəvə tɨ́ vɨɨ faŋ vəŋ ndwàŋ, shɔɔ yimbii.

Lukas 11:12

Wee mɔ́ꞌ ndwaŋ yighɔŋ ŋgu, tii wi kɔ luu ŋaa tɨ́ ŋwə mu? - Bey, kaꞌ tɨɨ weembwa kee yɨ̀ nɨniŋ me.

Lukas 11:2

Ŋwə gi tɨ́ vəŋ laa, «Viŋ taa kɨ shɔꞌtə Nwi, viŋ gì laa lee, «Tɨta Nwi, məbəŋsə lùu maa yizii yə. Bàw yifwàŋ yə jwi.

Lukas 18:7

Faŋ ŋkə lùu nɨniŋ nə, Nwi taa gaŋtə vɨɨ mbɨə faŋ Nwi nə shoꞌ laa luu mbii vɨɨ ŋkee maa yinsəŋ, faŋ vəŋ gwia ŋɨꞌ vəŋ tɨ́ ŋwə vətuꞌ nə shɨshwi. Yinsəŋ, Nwi taa gaŋtə vəŋ, kee gəŋsə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Roma 5:17

Faŋ ŋkə lùu nɨniŋ, faŋ wə muꞌ nə yɨ̀ nu bwə nə, yiku kɨ nii sɔ̀ꞌ vɨɨ vənshə buꞌ wə ghɔ́ muꞌ nə, buu kaꞌ nsiŋ kɨɨ ŋkee maa yinsəŋ laa vɨɨ mbɨə faŋ Nwi kèe gəŋsə vəŋ dɨdɨꞌ, kɔ məbwey vəlwaŋ tɨ́ vəŋ, kìasə vənu vəvəŋ, mbə loomə nə, vɨɨ vɔ́ ndɔ zɨ məbwey vəlwaŋ, kɨ sɔꞌ mbi ŋkee maa yinsəŋ buꞌ wə muꞌ faŋ lùu Yeso Kristo nə.

Roma 7:18

Nɨniŋ, mə kɨɨ laa nu jəə kee lùu taa fwi mə, nə taa mbasə ŋwaa ŋwaa me, buꞌ laa ŋkitə nyaa maa məyɨ nu jəə lùu shɔ, luu nə, mə kee bee yɨ nu kɔ́ me.

Roma 8:32

Faŋ Nwi nə kee bee sɨ̀ŋtə maa ŋwiŋ wi binə me, kɔ ŋwə tɨ́ yiku tɔ nsiŋ vənshə nə, buu ŋkə lùu kəley laa ŋwə ndɔ kɨ key nsiŋ nə vənu vənshə fɨ yiba jɨŋ ŋwə nɨzi.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.