Lukas 10:42 - Vengo (Babungo)

⁴² Luu sheꞌ nu kəmuꞌ faŋ ŋkə lùu nu kwalə. Ŋkə lùu laa wə kɨ zɔ yigisə Nwi. Gə fɨ maa Meri, ŋwə shoꞌ kwiŋ jəənə, kaꞌ wə kee fì fɨ ghɔ ŋwə me.»

Lukas 10:42 Iomraidhean Croise

Mark 8:36

Sii kɨ kaꞌ ŋkə gaŋtə wə nə kə, faŋ ŋwə kìi mbi yinshə, lèe məbwey vəlwaŋ wi?»

Lukas 10:39

Weenshu Marta nə luu shɔ nɨzi, yizii yi luu Meri. Meri duꞌ ghuu tɨta Yeso, kɨ zɔ nu ŋkɨə faŋ ŋwə gisə.

Lukas 11:1

Shi mɔ́ꞌ Yeso baa dùꞌ maa shəŋ kəmɔ́ꞌ, kɨ shɔꞌtə Nwi. Ŋwə shɔꞌtə Nwi mètə, wə mɔ́ꞌ fɨ taa ŋwaa vɨɨ məzwetə nu ki gi tɨ́ ŋwə laa, «Tɨta, deesə yia maa məshɔꞌtə Nwi, sheꞌ faŋ Jɔn nə dèesə vɨɨ məzwetə nu ki nə nɨzi.»

Lukas 12:20

Ŋwə nə gì nɨniŋ, Nwi gi tɨ́ ŋwə laa, «Ebee mfaw, vɨ taa ndi fwi yə vətuꞌ ndee. Taa zɨ ndə zɨ vətɔ və faŋ a nə nùŋsə nə?»

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 16:2

Wə ghɔ́ tii wuu məshii ŋii wi ghɔ́, gì tɨ́ ŋwə laa, «Sii lùu kə nə faŋ mə zɔ kɔ̀ŋ ghɔ? Ndi ŋwaꞌlə wə, jwì, sɨ saytə vətɔ vaŋ vənshə, faŋ mə nə nùŋsə tɨ́ ghɔ, buꞌ laa a kee baa kuꞌnə maa wuu məshii ŋii nyaa me.»

Lukas 16:25

Abraham gi tɨ́ ŋwə laa, «Ŋwiŋ ŋwaa, lumə faŋ a yaa zɨ vətɔ və vəjəəvə maa yighee njyə faŋ a nəə kɨ bii bwey shɨ nsi. Gə fɨ maa Lasarɔs, ŋwə nəə ye ŋɨꞌ. Lùu ndwə vɨ boolə ŋwə feenə, a ye luu ŋɨꞌ.

Lukas 18:22

Yeso zɔ nɨniŋ, gì tɨ́ ŋwə laa, «Bəə sheꞌ nu kəmuꞌ fɨ ghɔ ghɔ. Gə fiŋtə vətɔ və vənshə, gàa ka ghɔ́ tɨ́ vɨɨ ŋɨꞌ, buu a ndɔ kii vəkeynə və yizɔ, kɨ nii jwi bèꞌsə mə!»

Lukas 8:18

Viŋ kɨ tɔfə faŋ viŋ zɔ yigisə nyaa nə. Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kii fɨ ghɔ ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:1

Wə mɔ́ꞌ nə luu shɔ ntɨꞌ Betani, shɨ Judia, zɨzasə. Yizii wə ghɔ́ luu Lasarɔs. Vaŋ-nshwi vi vəki nə luu shɔ nɨzi. Təzii təvəŋ luu Meri nə Marta.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:19

Nɨniŋ, vɨɨ Jus nə jwì shɔ vəyaŋ maa məjwi kee yiku yɔ́ tɨ́ Marta nə Meri faŋ weenshu vəŋ kù.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:3

Meri jwi shəŋ ŋkɨə faŋ Yeso nə duꞌ shɔ nə, jwi nə lamenda mɔ́ꞌ faŋ vɨ tii nə nardo, shwaŋ wi luu ŋkee ndɔŋ. Ŋwə jwi nə lamenda ghɔ́, tùtə ghuu Yeso, ndɔ̀ tɔ̀ŋsə ghuu Yeso nə nyuŋsə tɔ si. Lumə ki kɨ nii lùŋ taa ŋii nshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

1 Kɔrintian 13:3

Faŋ mə kɔlə ndɨ̀ vətɔ vaŋ vənshə, kɔ̀ tɨ́ mbəəsə, baa biŋ laa vɨ twaŋ ŋwaa ŋwaa taa wi, luu nə, kee kii ŋkawnə maa vɨɨ me, buu kaꞌ vənu vɔ́ vənshə kee gàŋtə mə nə nu me.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.