Lukas 10:27 - Vengo (Babungo)

²⁷ Wə ghɔ́ bəŋsə laa, «Vɨ nyɔ̀ꞌ shɔ laa, Kɨ kaw Mɔꞌmbi, Nwi wə, nə fwi yə yinshə, baa nə ŋwaa wə nshə, nə wutə kə kənshə, nə vənu vənshə faŋ a bɨꞌtə, baa nə laa a kɨ kaw wənjɨɨ wə yaa nshɨ-tɔ wə.»

Lukas 10:27 Iomraidhean Croise

Matiu 19:19

Kɨ zɔnə tii wə nə nshu wə! Kaw weenshu wə yaa nshɨ-tɔ wə!»

Lukas 10:26

Yeso bitə tɨ́ ŋwə laa, «Vɨ nə nyɔ̀ꞌ kə taa ŋwaꞌlə Nwi? A tii, zɔ̀ shɔ laa kə?»

Roma 13:9

Lùu nɨniŋ buꞌ laa ntɨsə Nwi sənshə faynə sheꞌ maa ntɨ yimuꞌ, yuu kɨ tii wəzwi me, kɨ zwi wə me, kɨ shaw me, kɨ sə fa me, nə ntɨsə Nwi səmɔ́ꞌ sənshə. Nyə yimuꞌ lùu laa, «Kaw weenshu wə yaa nshɨ-tɔ wə!»

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Hibru 8:10

Ŋwə baa luu gì tɨ́ vəŋ laa, «Məkee mbɔ́ faŋ yia vɨɨ Isirayl ndɔ gwia maa vəshi vɔ́, lùu laa mə ndɔ yɨsə vəŋ kɨɨ nə ntɨsə saŋ, nùŋ fwi vəŋ shɔ, kɨ zɔnə ntɨsə sɔ́ nə fwi yimuꞌ. Mə taa luu Nwi vəŋ, vəŋ luu vɨɨ vaŋ.

Jeyms 2:8

Bàw viŋ nuŋsə ntɨ njyə faŋ luu ntɨ yikwalə fɨ taa ŋwaꞌlə Nwi! Nyə lùu laa, «Kɨ kaw wənjɨɨ wə yaa nshɨ-tɔ wə!»

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.