Lukas 10:21 - Vengo (Babungo)

²¹ Kɨ luu sheꞌ maa yighee yɔ́, Zwitə Ley Nwi faŋ ŋkə nə luu taa fwi Yeso nə, yɨsə ŋwə ŋaytə dɨdɨꞌ, shɔ̀ꞌtə Nwi laa, «Mə bəŋsə ghɔ, mɔɔ Tɨta, faŋ a sɔꞌ yizɔ ghɔ nsi nə, buꞌ laa a twèlə ŋiꞌ nu kɔ́ tɨ́ vɨɨ mbɨə faŋ vəŋ kee lùu vɨɨ yitɔfə me, faŋ a nə ndɨ̀ə nu kɔ́ fɨ ghɔ vɨɨ yitɔfə nə vɨɨ sɨ leynə nə. Ɔŋ mɔɔ, Tɨta, lùu faŋ ŋkə nə bàw tɨ́ ghɔ.»

Lukas 10:21 Iomraidhean Croise

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 21:16

Vəŋ gi tɨ́ ŋwə laa, «A kee zɔ̀ nu ŋkɨə faŋ vaŋ və̀ gisə nə yimu?» Yeso bəŋsə tɨ́ vəŋ laa, «Ɔŋ me. Maa viŋ nə ta tìi fɨ taa ŋwaꞌlə Nwi laa, Nwi yɨ̀sə laa ŋkee vaŋmbwaa vəbwavə kɨ kɔ məbəŋsə.»

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Mark 10:15

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə kee bìŋ nu yifwàŋ Nwi yaa weembwa wuubwa me, buu ŋwə kee ndɔ ŋii shɔ me.»

Lukas 15:5

Ŋwə kɨ ye bi-njɨɨ yɔ́, shaꞌ, ghɔ nyə gə, kɨ ŋaytə,

Lukas 15:9

Ŋwə kɨ ye, tìi vɨɨmba vi nə vɨɨ njɨɨsə vi, gì tɨ́ vəŋ laa, «Nsiŋ kɨ ŋaytə, buꞌ laa mə yè ka ŋwaa wì faŋ ŋwə nii ndì nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:41

Vəŋ baꞌsə ŋoꞌ yɔ́. Yeso ndeynə yizɔ, gì laa, «Tɨta, mə bwaŋ ghɔ, buꞌ laa a zɔ̀ gɨ nyaa.

2 Kɔrintian 4:3

Kɨ luu laa ntɔŋ yijəə Nwi, faŋ yia fɨꞌtə tɨ́ vɨɨ nə, kee yiley tɨ́ vɨɨ mɔ́ꞌ me, buu lùu tɨ́ vɨɨ mbɨə faŋ vəŋ ndɔ ndi.

Efesɔs 1:11

Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 1:5

shòꞌ nsiŋ shù fɨshi, laa nsiŋ ndɔ luu ŋkee vaŋ vi fɨ yiba jɨŋ Yeso Kristo. Ŋkə nə bàw tɨ́ ŋwə maa məyɨsə nɨniŋ,