Lukas 10:2 - Vengo (Babungo)

² Ŋwə gi tɨ́ vəŋ laa, «Say yɔ̀ŋ yaŋ, vɨɨ məshwi tiitə. Bàw viŋ buꞌ ghɔ tɨ́ tɨɨ məndɨɨ laa ŋwə tɔŋ vɨɨ məshwi say taa biisə. (Lùu shwenə tɨ́ viŋ. Viŋ kɨ buꞌ ghɔ tɨ́ tɨta Nwi, laa ŋwə baa shòꞌ vɨɨ faꞌ vi, tɔŋ vəŋ maa məbaytə vɨɨ vi.)

Lukas 10:2 Iomraidhean Croise

Matiu 20:1

Yeso nə baa nàysə yigisə tii yimɔ́ꞌ tɨ́ vəŋ, gì laa lee, «Nu yifwàŋ fɨ yizɔ fɨ̀nə tɨɨ fu faŋ ŋwə fùu taa nshia-ndoo-mbisɨ maa məbaytə vɨɨ faꞌ laa vəŋ gə fàꞌ taa yindɨɨ ŋwə.

Mark 13:34

Ŋkə ndɔ luu yaa nu wə, faŋ ŋwə nə gə̀ tɔŋ, mèꞌtə ŋii yi, kɔ̀ vətɔ vi vənshə tɨ́ vɨɨ faꞌ vi laa vəŋ kɨ ndeynə. Ŋwə nə gaa faꞌ tɨ́ vəŋ tɔ tɔ, gì tɨ́ wuu məshii shuu ŋii laa ŋwə kɨ shi nə yikɨꞌ.

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Mark 16:20

Vɨɨ məzwetə nu ki kɨ nii ndɔ̀, kɨ toꞌ fɨꞌtə nu Nwi maa vəshəŋ vənshə. Tɨta Yeso gaŋtə vəŋ shɔ, yɨsə yigisə vəŋ fuu nə wutə faŋ ŋwə nə kɔ̀ vəshwenə vɔ́ tɨ́ vəŋ.]

Lukas 9:1

Shi mɔ́ꞌ Yeso shəŋtə vɨɨ ntɔŋ vi njɔsə-bɔɔ, kɔ̀ wutə tɨ́ vəŋ, ŋkee wutə maa məfuusə vəzwitə vəbwəvə vənshə fɨ maa vɨɨ, baa nə wutə maa məshuꞌ vəza,

Akts 11:19

Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 13:2

Shi mɔ́ꞌ faŋ vəŋ nəə bəŋsə Nwi, baa baŋ fazɨ, Zwitə Ley Nwi gi tɨ́ vəŋ laa, «Viŋ shoꞌ Barnabas nə Sɔɔl, kɔ̀ tɨ́ mə, nùŋ vəŋ maa faꞌ ŋgwə faŋ mə yaa tii vəŋ shɔ nə.»

Akts 13:4

Faŋ Zwitə Ley Nwi nə tɔ̀ŋ vəŋ nɨniŋ nə, vəŋ siꞌ gə ntɨꞌ Selusia, ŋìi taa bay kwalə, tɔ̀ŋ mamuu taa bay, tɔŋ gə̀ shɨ Sayprɔs.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Akts 22:21

Mə nə gi nɨniŋ. Luu nə, tɨta Yeso gi shee laa mə ndɔ gə, buꞌ laa yi kəə tɔŋ mə ŋkee ntaŋ taa ŋwaa vɨɨ tɔmə day faŋ kee lùu vɨɨ Jus me.»

Akts 8:4

Vɨɨ mbɨə faŋ vəŋ nə sàykə nɨniŋ nə, toꞌ fɨ vəshəŋ vəshəŋ, toꞌ fɨꞌtə ntɔŋ yijəə Nwi tɨ́ vɨɨ.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Filipi 2:21

Bətə vɨɨ bɨꞌtə sheꞌ vənu vəvəŋ; vəŋ kee bɨꞌtə vənu və Yeso Kristo me.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

Filipi 2:30

Viŋ kɔꞌ kɨɨ laa nu ŋkɨə faŋ ŋkə yɨ̀ faŋ ŋwə yaa zasə, kɨ kəə ku nə, luu buꞌ faꞌ ŋgwə faŋ ŋwə faꞌ tɨ́ Kristo nə. Viŋ nə tɔ̀ŋ ŋwə shee, laa ŋwə metə faꞌ wiŋ shee. Ŋwə nə biŋ jwi faŋ nə kɔlə luu ntɔŋ tɨ́ kaꞌ ŋwə gə shɔ ku nə.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

1 Tesalonika 5:12

Vaŋ-nshwi via, yia buꞌ ghɔ tɨ́ viŋ laa viŋ kɨɨ nə nu vɨɨ mbɨə faŋ vəŋ sàŋ yiŋwaa yivəŋ maa vəfaꞌ buꞌ viŋ. Vəŋ duꞌ tɔ viŋ maa yizii tɨta Yeso, tɨsə viŋ.

2 Tesalonika 3:1

Vaŋ-nshwi via, maa məndwə vənu vɔ́, yia naysə tɨ́ viŋ laa viŋ kɨ buꞌ ghɔ tɨ́ Nwi tɔ yia, laa nu tɨta Kristo toꞌ sàynə, vɨɨ kɨ bəŋsə nu kɔ́, yuu ŋkə yaa gay taa ŋwaa viŋ nə.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.

Filemon 1:1

Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Reveleyshən 2:1

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Efesɔs, nyɔꞌ laa lee, «Wə ntɨə faŋ ŋwə jìa məjwiŋ mbɔ́ kwatia ghɔ ŋwə, maa kwiŋ maꞌnə wi, baa toꞌ fɨ taa ŋwaa təkiꞌ tɔ́ kwatia, faŋ lùu ntə goolə nə, gì laa,