Lukas 10:11 - Vengo (Babungo)

¹¹ «Ŋkee shɔꞌ ŋkɨə faŋ ŋkə ghaytə ghuu yia fɨ nsi viŋ, yia jìasə maa viŋ. Luu nə, bàw viŋ kɔꞌ kɨɨ laa nu yifwàŋ Nwi luu nshənə.»

Lukas 10:11 Iomraidhean Croise

Matiu 10:14

Kɨ luu vɨɨ kee biŋ nu kiŋ me, kee kɨ zɔ yigisə yiŋ me, viŋ fuu fɨ taa ŋii yɔ́, tɨꞌnə me fɨ taa ntɨꞌ yɔ́, tɔ̀ŋsə ghuu ghiŋ nsi maa shwenə tɨ́ vəŋ.

Matiu 10:7

Viŋ taa kii toꞌ nɨniŋ, viŋ kɨ naysə tɨ́ vɨɨ laa nu yifwàŋ yizɔ luu nshənə.

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Mark 6:11

Kɨ ghaŋ viŋ gə shəŋ, vɨɨ vɔ́ kee ndì viŋ jəə me, twèy maa məzɔ nu kiŋ, viŋ ndɔ fɨ fuŋ, tɔ̀ŋsə butə fɨ ghuu viŋ maa shwenə, (maa mədə tɨ́ vəŋ laa vəŋ shìa nu Nwi.)»

Lukas 10:10

Luu nə, viŋ ndɔ kɨ luu ŋìi ntɨꞌ yimɔ́ꞌ faŋ vɨ kee jìa viŋ shɔ me, viŋ fùu fɨ taa ntɨꞌ yɔ́, kɨ fuu, gì tɨ́ vɨɨ ntee laa,

Lukas 10:9

Viŋ kɨ fuusə vəza fɨ maa vɨɨ mbɨə faŋ vəŋ zɨzasə ntɨꞌ yɔ́, naysə tɨ́ vɨɨ laa nu yifwàŋ Nwi kee baa luu ntaŋ fɨ yɨ vəŋ me.

Lukas 9:5

Viŋ kɨ luu zìꞌ maa shəŋ kəmɔ́ꞌ, vɨɨ kee jìa viŋ jəə me, viŋ fùu fɨ taa ntɨꞌ yinjii, tɔ̀ŋsə shɔꞌ fɨ ghuu viŋ nsi, kɨ nii lùu shwenə nsɔꞌ tɔ vɨɨ vɔ́.»

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 13:40

Nɨniŋ, viŋ kɨ tɔfə ŋkee jəə, laa nu faŋ nshiiŋii-sɔghɔ nə nyɔ̀ꞌ, kɨ ŋkə ndɔ gay maa viŋ me. Nu kɔ́ lùu laa,

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 13:51

Pɔɔl ghɔ Barnabas kwətə butə fɨ ghuu vəŋ, faŋ lùu shwenə ŋgaasə tɨ́ vɨɨ vɔ́, ndɔ gə Ikoniɔn fɨ shɨ Laykonia.

Roma 10:21

Gə̀ fɨ maa vɨɨ Isirayl, ŋwə nə gì kɔ̀ŋ vəŋ laa, «Nwi nə nèsə ghɔ ghi shi ŋkwəŋ tɨ́ ŋgwisə vɨɨ mbɨə faŋ vəŋ kee zɨzɔnə me, baa sɔnə nə yigi.»

Roma 10:8

Luu nə, ŋwaꞌlə Nwi baa gì laa lee, «Yigisə Nwi lùu nshənə tɨ́ ghɔ. Nyə lùu shuu ghɔ, baa lùu taa fwi ghɔ nɨzi.» Yigisə Nwi yɔ́ lùu nu Kristo ŋkɨə faŋ yia fɨꞌtə tɨ́ vɨɨ nə, laa vəŋ nuŋ fwisə vəŋ maa ŋwə.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.