Lukas 1:76 - Vengo (Babungo)

⁷⁶ Gə fɨ maa ghɔ, weembwa, vɨ ndɔ kɨ tii ghɔ nə nshiiŋii-sɔghɔ, tɨta Nshɔɔ-mbi, buꞌ laa a ndɔ shɔɔ vɨsɨ fɨ ghɔ Mɔꞌmbi, təŋ jɨɨ yi.

Lukas 1:76 Iomraidhean Croise

Matiu 14:5

Fwàŋ Herod nəə kəə zwi Jɔn, luu nə, fèe vɨɨ, buꞌ laa vɨɨ nə bìŋ Jɔn laa lùu nshiiŋii-sɔghɔ.

Matiu 21:26

Luu nə, kaꞌ nsiŋ kee gì laa ŋkə nə ndɔ̀ fɨ ghɔ wə mənsaw nɨzi me, buꞌ laa vɨɨ vənshə gisə laa Jɔn nə luu nshiiŋii-sɔghɔ.» Nɨniŋ, vəŋ nəə fee vɨɨ,

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Matiu 3:3

Nɨniŋ, Jɔn nə luu ŋkee wə ntɨə faŋ nshiiŋii-sɔghɔ Aysaya nəə gisə kɔ̀ŋ ŋwə laa, «Gɨ wə luꞌ fɨ tɔɔ waꞌsə laa vɨ lootə jɨɨ Mɔꞌmbi, bɔ̀ŋsə fɔꞌ wi ŋwə neꞌtə.»

Mark 11:32

Nɨniŋ, nsiŋ kɨ luu gi laa nə luu sheꞌ nu wə mənsaw, ŋkə taa luu kɨkə? Kaꞌ nsiŋ kee gì nɨniŋ me, buꞌ laa vɨɨ vənshə bɨꞌtə laa Jɔn nə luu nshiiŋii-sɔghɔ yinsəŋ.» Nɨniŋ, vəŋ nəə fee vɨɨ,

Lukas 1:32

Ŋwə ndɔ luu wuu kwalə, vɨ tii ŋwə nə Wee Nwi Nshɔɔ-mbi. Nwi, Tɨɨ-mbi, taa kɔ kenə yifwàŋ tii wi Deyvid tɨ́ ŋwə,

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:23

Jɔn bəŋsə tɨ́ vəŋ laa, «Mə lùu gɨ wə faŋ nyə luꞌ fɨ tɔɔ waꞌsə laa, vɨ bɔŋsə jɨɨ Nwi, nyə neꞌtə.» Ŋwə nə gi yigi yɔ́ sheꞌ faŋ ŋkə lùu taa ŋwaꞌlə Aysaya, nshiiŋii-sɔghɔ wì.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:27

Ŋwə lùu wə ntɨə faŋ ŋwə taa jwì fɨ yiba jɨŋ mə, faŋ mə kee bee kùꞌnə maa məkeꞌtə kuu gɔsə wi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:28

Maa viŋ nə zɔ faŋ mə gì laa mə kee lùu Kristo, wuu məbweysə vɨɨ me. Mə lùu wə ntɨə faŋ Nwi nə tɔ̀ŋ laa mə lootə jɨɨ tɨ́ ŋwə.

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»