Lukas 1:70 - Vengo (Babungo)

⁷⁰ Lùu nu ŋkɨə faŋ Nwi nə kɔ̀ꞌnə tɨ́ vɨɨ shù fɨ ywaŋ-vɨsɨ, faŋ ŋwə nə yɨ̀sə nshiisə-ŋii sɔghɔ naysə tɨ́ vɨɨ nə.

Lukas 1:70 Iomraidhean Croise

Mark 12:36

Maa Zwitə Nwi nə yɨ̀sə nshɨ-tɔ fwàŋ Deyvid gi laa, «Tɨta Nwi nə gì tɨ́ tɨta ŋwaa laa, duꞌnə nsi maa kwiŋ maꞌnə ŋwaa, zìꞌ maa yighee njyə faŋ mə taa mɔꞌ vɨɨ mbeenə və vɨsɨ ghɔ, a tə ghuu ghə tɔ vəŋ.»

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Akts 28:25

Faŋ vəŋ nə kee kɨɨ faynə yigisə vəŋ yimuꞌ nə me, kɨ nii yiwaꞌkə, tɨ́ Pɔɔl gi yigi yimɔ́ꞌ laa, «Zwitə Ley Nwi nə kwàŋ yigi yijəənə shuu nshiiŋii-sɔghɔ Aysaya, ŋwə nə gi tɨ́ vətɨɨ vaŋ-nsiŋ, faŋ Nwi nə gì tɨ́ ŋwə nə laa,

Roma 1:2

Mə fɨꞌtə ntɔŋ njyə faŋ Nwi nə kɔꞌnə tɨ́ vɨɨ ywaŋ-vɨsɨ, kwàŋ taa ghɔ nshiisə-ŋii sɔghɔ, vəŋ nyɔꞌ taa vəŋwaꞌlə və Nwi.

Hibru 3:7

Nɨniŋ, nsiŋ zɔ faŋ Zwitə Nwi nə gì laa, «Faŋ viŋ zɔ gɨ Nwi ndee,

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.

2 Pita 3:2

Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.