Lukas 1:67 - Vengo (Babungo)

⁶⁷ Zwitə Ley Nwi kɨ nii lwàŋ taa fwi tɨɨ wee ghɔ́, Zakaraya, ŋwə gi nu ŋkɨə faŋ Zwitə Nwi kwàŋ taa fwi ŋwə, bəŋsə Nwi laa,

Lukas 1:67 Iomraidhean Croise

Lukas 1:15

buꞌ laa ŋwə ndɔ luu wuu kwalə vɨsɨ Nwi. Ŋwə kee ndɔ nu məluꞌ me, tɨꞌnə me fa mɔ́ꞌ faŋ ŋkə buulə tɔ wə me. Zwitə Ley Nwi ndɔ lwaŋ taa fwi ŋwə, shù ŋkee fɨ taa njyoꞌ nshu wi.

Lukas 1:41

Faŋ Elisabet nə zɔ̀ shɔꞌtə Meri, wee ŋialə fɨ taa njyoꞌ ŋwə, Zwitə Ley Nwi lwaŋ taa fwi Elisabet.

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Akts 2:8

Sii yɨ kə laa nsiŋ vənshə zɔ faŋ vəŋ gisə ŋkee maa təghaŋ taŋ-nsiŋ, faŋ nsiŋ nə ta kɨ gisə.

Akts 9:17

Ananias ndɔ gə̀ taa ŋii yɔ́, mɔ̀ꞌ ghɔ ghi maa Sɔɔl, gì tɨ́ ŋwə laa, «Weenshu ŋwaa Sɔɔl, tɨta Yeso, faŋ viŋ ŋwə yaa faynə jɨɨ njyə faŋ a nəə jwi fɨ fuŋ nə, tɔ̀ŋ mə laa a baa kɨ yenə vədɨꞌ, baa nə laa Zwitə Ley Nwi lwaŋ taa fwi ghɔ.»

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.