Lukas 1:46 - Vengo (Babungo)

⁴⁶ Meri bəŋsə Nwi, gì laa, «Fwi nyaa kɨ bəŋsə yizii Mɔꞌmbi.

Lukas 1:46 Iomraidhean Croise

Roma 5:11

Nɨniŋ, nsiŋ koꞌsə yiŋwaa nyaa-nsiŋ buꞌ nshɨ-tɔ Nwi, fɨ yiba jɨŋ tɨta ŋwaa-nsiŋ Yeso Kristo, faŋ ŋwə yɨ laa nsiŋ gu fa kəmuꞌ nsiŋ vɨ Nwi maa yighee ndwə.

1 Kɔrintian 1:31

Lùu nu ŋkɨə faŋ vɨ nyɔ̀ꞌ taa ŋwaꞌlə Nwi laa, «Wə kɨ luu kɨ kəə buꞌ dɨŋ wi, ŋwə bùꞌ dɨŋ wi buꞌ nu tɨta Nwi.»

2 Kɔrintian 2:14

Yia bwaŋ Nwi, buꞌ laa ŋwə yɨ̀sə laa yia kɨ toꞌ fɨ yiba jɨŋ Kristo, bwìlə vɨɨ tɨ́ Nwi, nu Kristo fi vəshəŋ vənshə. Vɨɨ zɔ nu Nwi buꞌ yia, kɨɨ nə ŋwə fɨ fuŋ.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 4:4

Viŋ zɔ, mə gì tɨ́ vɨɨ Kristo vənshə; viŋ kɨ ŋaytə ghee nshə, buꞌ faŋ viŋ lùu vɨɨ Kristo nə. Mə baa kɨ gi laa viŋ kɨ ŋaytə.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Pita 1:8

Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.