Lukas 1:35 - Vengo (Babungo)

³⁵ Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 1:35 Iomraidhean Croise

Matiu 1:18

Ŋiꞌ məbi faŋ vɨ nə bì Yeso, nə luu nee: Yighee njyə faŋ Josef nə gə ŋìi ŋii maa məndaa Meri, nshu Yeso, Meri kee ta kɨ̀ɨ nə wəndɔŋ me, vɨ kɨ ye Meri luu gɔsə. Məgɔ wi ghɔ́ nə yɨ̀sə Zwitə Ley Nwi.

Matiu 1:20

Faŋ ŋwə nə bɨꞌtə nɨniŋ, njyəə shi ŋwə, nshiiŋii Nwi jwi maa ŋwə taa njyəə, gì laa, «Josef, wuu ŋiinə Deyvid, kɨ ghɔ fee maa məndi Meri maa zu wə me. Məgɔ ŋwə̀ faŋ ŋwə gɔ̀ nə, yɨ̀sə Zwitə Ley Nwi.

Matiu 14:33

Vɨɨ fɨ taa bay kɔ́ tuŋ vətɔ vəyəə vəvəŋ nsi vɨsɨ ŋwə, bə̀ŋsə ŋwə, gì laa, «A lùu wee Nwi ŋkee maa yinsəŋ!»

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Matiu 4:3

Wuu məbweꞌsə mbi ghɔ́ jwi yɨ ŋwə, gì tɨ́ ŋwə laa, «Kɨ luu laa a lùu Wee Nwi, a yɨsə ŋoꞌsə sə̀ kiasə gù bee.»

Mark 1:1

Lùu ntɔŋ yijəə buꞌ Yeso Kristo, Wee Nwi.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Lukas 1:27

Nwi tɔŋ nshiiŋii Nwi yɔ́ maa ŋgwaŋ wəzwi mɔ́ꞌ faŋ Josef, wuu ŋiinə Deyvid, nəə ŋii ŋii maa məndaa ŋwə. Yizii ŋgwaŋ wəzwi ghɔ́ luu Meri.

Lukas 1:34

Meri tɔ tɨ́ nshiiŋii Nwi yɔ́ laa, «Nu kə̀ sii taa gay kɨkə, faŋ mə kee ta kɨ̀ɨ nə wəndɔŋ nə me?»

Lukas 1:36

Ye mɔɔ, wuu yikuu wə Elisabet, faŋ ŋwə dwàŋ nə, lùu gɔsə nə wee-wəndɔŋ nɨzi. Ŋwə lùu yiŋuu ntɔfə ndwə, ŋkee ŋwə faŋ vɨ tii ŋwə nə dɔŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:34

Mə ye nɨniŋ, buu naysə ntee laa wə ghɔ́ lùu Wee Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:49

Nataniel bəŋsə tɨ́ ŋwə laa, «Rabi, a lùu Wee Nwi. A luu fwàŋ vɨɨ Isirayl.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Roma 1:4

Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.