Lukas 1:33 - Vengo (Babungo)

³³ ŋwə kɨ sɔꞌ ŋiꞌ ŋii Jeykob yighee muꞌ. Nu yifwàŋ ki kee ndɔ mè me.»

Lukas 1:33 Iomraidhean Croise

Matiu 1:1

Lùu ŋwaꞌlə kɔ̀ŋ ŋiꞌ ŋii Yeso Kristo, wee Deyvid, wee Abraham.

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Lukas 1:34

Meri tɔ tɨ́ nshiiŋii Nwi yɔ́ laa, «Nu kə̀ sii taa gay kɨkə, faŋ mə kee ta kɨ̀ɨ nə wəndɔŋ nə me?»

Roma 9:6

Kɨ mə kee gì laa, ŋkɔꞌnə Nwi tɨ́ vɨɨ Isirayl ndi me. Luu nə, vɨɨ Isirayl yinsəŋ kee lùu vɨɨ vənshə faŋ vəŋ fùu fɨ ŋiꞌ ŋii Isirayl me.

Galatia 3:29

Viŋ kɨ yɨ lùu vɨɨ Kristo, buu ŋkə də̀ laa viŋ lùu vaŋ Abraham nɨzi, buu viŋ ndɔ fi vətɔ vənshə faŋ Nwi nə kɔ̀ꞌnə, laa Nwi ndɔ kɔ tɨ́ Abraham ghɔ ŋgwisə yi.

Galatia 6:16

Mənɔŋ-bwaŋnə Nwi nə gəŋsə Nwi tɔ vɨɨ mbɨə faŋ vəŋ beꞌsə nshinə yifi yɔ́, nə taa ŋwaa vɨɨ yinsəŋ Nwi!

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Hibru 1:8

Gə̀ fɨ maa ŋwiŋ wi, Nwi nə gì tɨ́ ŋwə laa, «Ghɔ Nwi, yifwàŋ yə ndɔ goꞌsə yighee muꞌ, a sɔꞌ yifwàŋ yə nə yinsəŋ.

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»