Lukas 1:17 - Vengo (Babungo)

¹⁷ Ŋwə ndɔ kɨ gə vɨsɨ fɨ ghɔ Mɔꞌmbi taa Zwitə Ley Nwi, baa nə wutə nshiiŋii-sɔghɔ Elias, baa kiasə fwisə vətɨɨ vaŋmbwaa laa vəŋ baa kɨ kaw vaŋ vəŋ, nə vɨɨ faŋ vəŋ kee zɨzɔnə me, laa vəŋ baa kɨ bɨꞌtə nu loomə. Nɨniŋ, ŋwə ndɔ yɨsə vɨɨ lootə ŋwaa, kɨ kɨꞌ Mɔꞌmbi.»

Lukas 1:17 Iomraidhean Croise

Matiu 11:14

Viŋ kɨ luu kɨ kəə biŋ nu ŋkɨə faŋ mə gì, mə naysə tɨ́ viŋ laa ŋwə nə luu ŋkee Elias ŋgwə faŋ vɨ nə nyɔ̀ꞌ taa ŋwaꞌlə Nwi laa ŋwə ndɔ baa jwi nə.

Matiu 14:4

Fwàŋ Herod nə kwàŋ Jɔn taa ŋii mfiŋ buꞌ faŋ Jɔn nə gì tɨ́ ŋwə laa, ŋkə kee yikuꞌnə laa ŋwə kìi zu weenshu wi me.

Matiu 3:3

Nɨniŋ, Jɔn nə luu ŋkee wə ntɨə faŋ nshiiŋii-sɔghɔ Aysaya nəə gisə kɔ̀ŋ ŋwə laa, «Gɨ wə luꞌ fɨ tɔɔ waꞌsə laa vɨ lootə jɨɨ Mɔꞌmbi, bɔ̀ŋsə fɔꞌ wi ŋwə neꞌtə.»

Matiu 3:4

Nshɨ-tɔ Jɔn nəə mɔꞌ sheꞌ njwi faŋ vɨ nə bà nə nyuŋsə nyaa kamelə, shuŋ kɔtə gɔ ŋiꞌ ŋwə, (sheꞌ faŋ nshiisə-ŋii sɔghɔ yaa kɨ mɔꞌ nə.) Fazɨ ki nə luu sheꞌ ŋweysə nə zɔsə fɨ taa tɔɔ.

Lukas 1:16

Ŋwə ndɔ kiasə vɨɨ Isirayl vəyaŋ, laa vəŋ baa kɨ nuŋ fwi vəŋ maa Nwi.

Lukas 1:76

Gə fɨ maa ghɔ, weembwa, vɨ ndɔ kɨ tii ghɔ nə nshiiŋii-sɔghɔ, tɨta Nshɔɔ-mbi, buꞌ laa a ndɔ shɔɔ vɨsɨ fɨ ghɔ Mɔꞌmbi, təŋ jɨɨ yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:13

Nɨniŋ, nə bì Nwi bi vəŋ. Nu kɔ́ kee ndɔ̀ fɨ maa məbi wə fɨ taa mənshi me, tɨꞌnə me fɨ maa ŋkawnə wə mənsaw me, tɨꞌnə me fɨ maa mbɨꞌtə wə mənsaw me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:34

Mə ye nɨniŋ, buu naysə ntee laa wə ghɔ́ lùu Wee Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:28

Maa viŋ nə zɔ faŋ mə gì laa mə kee lùu Kristo, wuu məbweysə vɨɨ me. Mə lùu wə ntɨə faŋ Nwi nə tɔ̀ŋ laa mə lootə jɨɨ tɨ́ ŋwə.

Akts 10:33

Nɨniŋ, mə tɔ̀ŋ ntɔŋ tɨ́ ghɔ yighee muꞌ. A yɨsə jəə faŋ a jwì nə. Yia vənshə baytə feenə ndwə vɨsɨ Nwi, kɨꞌ maa məzɔ nu ŋkɨə faŋ Mɔꞌmbi tɔ̀ŋ ghɔ nə ŋkə.»

Roma 9:23

Ŋwə nə baa kəə də̀ feenə wi faŋ ŋwə kwàlə shɔ̀ɔ nə, tɨ́ vɨɨ mbɨə faŋ ŋwə kee gəŋsə vəŋ nə, nùŋ vəŋ laa vəŋ ndɔ baa kii feenə nɨzi.

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

2 Timoti 2:21

Kɨ luu wə yɨsə vənu vi nə ŋwaa wi ley fɨ maa vənu vəbwəvə, buu ŋwaa wi ghɔ́ taa luu maa məyɨ nu Nwi ley, kùꞌnə maa məfaꞌ vəfaꞌ tɨ́ tii wi.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

Reveleyshən 20:4

Mə baa yè yiley vəŋkaw və məsɔꞌ mbi. Vɨɨ fuu dùꞌ fuu vəŋkaw vɔ́, Nwi nuŋ vəŋ maa vɨɨ məshia nsɔꞌsə. Mə kɨ nii yè vəŋku və vɨɨ mbɨə faŋ vɨ nə shètə yitɔ yivəŋ, buꞌ faŋ vəŋ nə biŋ nu Kristo ntee, baa fɨꞌtə nu Nwi tɨ́ vɨɨ nə. Nə luu vəŋku və vɨɨ mbɨə faŋ vəŋ nə kee bə̀ŋsə nyaa yì nə fənyia fi me, kee biŋ laa vɨ shwey ŋgwia vəŋ mbootɔ vəŋ me, tɨꞌnə me ghɔ vəŋ me. Vəŋ ywey, kɨ sɔꞌ mbi ghɔ vɨ Kristo ŋuꞌ ŋkaŋ.