Lukas 1:15 - Vengo (Babungo)

¹⁵ buꞌ laa ŋwə ndɔ luu wuu kwalə vɨsɨ Nwi. Ŋwə kee ndɔ nu məluꞌ me, tɨꞌnə me fa mɔ́ꞌ faŋ ŋkə buulə tɔ wə me. Zwitə Ley Nwi ndɔ lwaŋ taa fwi ŋwə, shù ŋkee fɨ taa njyoꞌ nshu wi.

Lukas 1:15 Iomraidhean Croise

Lukas 1:14

A taa kii məŋaytə yaŋ shɔ. Vɨɨ vəyaŋ baa ŋàytə buꞌ ŋwə,

Lukas 7:28

Mə naysə tɨ́ viŋ laa wə kee lùu shɔ, faŋ nə bì wəzwi, faŋ kaꞌ ŋwə kwàlə shɔ̀ɔ Jɔn me. Luu nə, ŋkee wuu tɨtiꞌ faŋ ŋwə ndɔ ŋii nu yifwàŋ Nwi, kwalə shɔ̀ɔ ŋwə.

Lukas 7:33

Yighee njyə faŋ Jɔn, wuu məkɔ muu mə Nwi, nə jwi, viŋ yɨ sheꞌ yaa vaŋ vɔ́. Ŋwə nə kee zɨ bee me, kee nu məluꞌ me. Viŋ kee biŋ yigisə yi me, gi laa, zwitə bwə taa ŋwaa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:35

Yinsəŋ, Jɔn nə luu yaa kiꞌ faŋ ŋwə bee ŋkee ley. Luu nə, viŋ nə kàw dùꞌ taa məley wi ghɔ́ sheꞌ maa kuŋtə yighee, baa ndɔ̀. Viŋ nə bìŋ yigisə yi sheꞌ maa kuŋtə yighee baa mèꞌtə.

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Galatia 1:15

Luu nə, Nwi nə shòꞌ mə, buu vɨ ndɔ kɨ dùꞌ bì mə. Nwi tii mə fɨ taa gəŋsə Nwi, laa mə beꞌsə ŋwə.

Efesɔs 5:18

Kɨ viŋ kɨ nu məluꞌ mbə kɨ shɔɔ sɨ viŋ me, buꞌ laa nshinə yibwə fuu fɨ fuŋ. Viŋ kɨ yɨ laa lwaŋ sheꞌ Zwitə Nwi taa fwisə viŋ.