Jeyms 5:3 - Vengo (Babungo)

³ Maŋgɨlɨ kwə ka wiŋ. Maŋgɨlɨ ghɔ́ lùu shwenə: Sheꞌ faŋ ŋwə kwə ka wiŋ, ŋwə ndɔ kwə mbasə ŋwaa wiŋ nɨzi yaa wisə. Viŋ lùu vɨɨ faŋ vəŋ bɔꞌtə təka ŋkee maa vəshi və̀, faŋ lùu vəshi vəshə və mbi.

Jeyms 5:3 Iomraidhean Croise

Akts 2:17

«Nwi gì laa, yi ndɔ tu Zwitə Ley Nwi tɔ vɨɨ vənshə maa vəshi vəndwə, laa vaŋ viŋ, mbə vəndɔŋ nə mbə vəki, ndɔ kɨ naysə yigisə shuu Nwi. Zawə wiŋ ndɔ kɨ ye vəshwenə və Nwi. Gə fɨ maa vɨɨ taa viŋ, njyəəsə ndɔ kɨ shi vəŋ, laa vəŋ ye ŋiꞌ nu Nwi shɔ.

Roma 2:5

Luu nə, a shii dɨdɨꞌ, kee kaw kwiinə fwi yə me, kɨ yɨsə vənu vəbwəvə. Nɨniŋ, a yɨ laa nsɔꞌ yə ndɔ luu yiweꞌ maa shi ŋkɨə faŋ Nwi ndɔ kɨ sɔꞌ mbi maa yinsəŋ yi ntee.

2 Timoti 2:17

Yigisə vəŋ kwə vɨɨ yaa dɨꞌ yaa kɨ kwə fəŋ wə nə. Vɨɨ mɔ́ꞌ fɨ taa ŋwaa vɨɨ mədeesə vəbwəvə vɔ́ luu Hayminiɔs nə Filetɔs.

2 Pita 3:3

Viŋ kɔꞌ kɨɨ jəə jəə laa vɨɨ məshɨꞌ vɨɨ Nwi ndɔ fuu, kɨ shɨꞌ viŋ shɨshɨꞌ maa yighee shə. Vɨɨ vɔ́ ndɔ kɨ yɨsə sheꞌ vənu faŋ too vəŋ kàw, kɨ shɨꞌ viŋ shɨshɨꞌ,

Reveleyshən 17:16

Gə fɨ maa ndawsə sɔ́ yighuŋ nə nyaa yɔ́ faŋ a ye nə, nsə ndɔ bee wəzwi ghɔ́, fì vətɔ vənshə faŋ ŋwə kìi, mèꞌtə ŋwə nə ntɨŋ, ndɔ kwə mbasə ŋwaa wi, twàŋ ŋwə nə wisə.

Reveleyshən 20:15

Wə tɨ̀ me wə faŋ vɨ nə kee nyɔ̀ꞌ yizii yi taa ŋwaꞌlə məbwey vəlwaŋ me, vɨ mɔꞌ ŋwə taa wi yɔ́.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»