Jeyms 5:16 - Vengo (Babungo)

¹⁶ Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.

Jeyms 5:16 Iomraidhean Croise

Matiu 21:22

Fa tɨ̀ me fa faŋ viŋ bitə fɨ ghɔ Nwi taa məshɔꞌtə wiŋ, viŋ taa kii, faŋ viŋ nùŋ fwi siŋ maa Nwi.»

Matiu 3:6

biŋ vənu vəbwəvə vəŋ ntee. Ŋwə kɔ muu mə Nwi tɨ́ vəŋ taa muu mə Jordan.

Mark 1:5

Vɨɨ Jerusalem vənshə ghɔ vɨ vɨɨ vənshə fɨ taa ntɨꞌsə Judia səmɔ́ꞌsə ndɔ gə̀ ye ŋwə. Ŋwə kɔ muu mə Nwi tɨ́ vɨɨ mbɨə faŋ vəŋ bìŋ vənu vəbwəvə vəŋ taa muu mə Jordan.

Lukas 9:6

Ŋwə gi nɨniŋ mètə, vəŋ fuu, kɨ toꞌ fɨ taa məshɨ məshɨ, toꞌ wày nu ntɔŋ yijəə Nwi, fuusə vəza fɨ maa vɨɨ vəza maa vəshəŋ vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:31

Nsiŋ kɔꞌ kɨɨ laa Nwi kee yaa kɨ zɔ məshɔꞌtə vɨɨ vənu vəbwəvə me. Nwi zɔ sheꞌ məshɔꞌtə wə ntɨə faŋ ŋwə bəŋsə Nwi, yɨ nu ŋkɨə faŋ Nwi kàw.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 19:18

Vɨɨ vəyaŋ faŋ vəŋ nə bìŋ nu Kristo, jwi bìŋ yibɨsə vəŋ ntee, faŋ vəŋ yaa yɨsə.

Akts 8:24

Saymon gi tɨ́ Pita ghɔ Jɔn laa vəŋ shɔꞌtə Nwi tɔ ŋwə, tɨ́ kɨ kaꞌ vənu vɔ́ vənshə faŋ vəŋ gi nə, kee gày maa ŋwə me.

Roma 3:10

Luu sheꞌ faŋ ŋkə lùu taa ŋwaꞌlə Nwi laa, «Tuu wə kee lùu shɔ faŋ nu ki lùu kəloomə me.

Roma 5:19

Vɨɨ vənshə nə gù vəyɨ-kəbwə buꞌ nu wə muꞌ, faŋ ŋwə nə kee zɔ̀nə Nwi me. Sheꞌ nɨniŋ, vɨɨ vənshə ndɔ luu vəloomə tɨ́ Nwi buꞌ nu wə muꞌ faŋ ŋwə zɔ̀nə Nwi.

Kɔlɔsii 1:9

Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

1 Tesalonika 5:17

shɔꞌtə Nwi ghee nshə,

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Tesalonika 5:25

Vaŋ-nshwi via, viŋ kɨ shɔꞌtə Nwi tɔ yia.

Hibru 11:4

Abel, wee Adam, nə nùŋ fwi yi maa Nwi, buu vəkɔ vi baw tɨ́ Nwi, shɔ̀ɔ mbə Kayin, weenshu wi. Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi. Nwi nə yɨsə laa ŋkə lùu kəley tɨ́ nsiŋ, buꞌ faŋ Nwi nə fì vətɔ mbɨə faŋ Abel nə kɔ nə. Luu sheꞌ buꞌ məbiŋ Abel, laa nsiŋ kɨ bii zɔ̀ yigisə yi, faŋ ŋwə kɔlə ku nə.

Hibru 11:7

Gə fɨ maa Noa, yighee njyə faŋ ŋwə nə zɔ̀ nu ŋkɨə faŋ Nwi nəə kəə yɨsə, ŋwə nuŋ fwi yi maa Nwi, faŋ ŋwə nə kee bee kɔlə yè nu kɔ́ nə yisɨ nə me. Ŋwə nə biŋ, zɔ̀nə Nwi, kɔŋ ŋkee bay kwalə, tɨ́ kaꞌ ŋwə ndɔ ŋii tey yi ghɔ vɨ vɨɨ vi, bwèy fɨ ghɔ muu. Faŋ ŋwə nə yɨ̀ nɨniŋ nə, ŋwə də tɨ́ vɨɨ laa nsɔꞌ Nwi ndɔ luu tɔ vəŋ. Ŋwə baa luu gù wə faŋ Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi.

Hibru 12:13

Viŋ kɨ gə nə vɨsɨ, yɨsə fɔꞌ wiŋ luu ley, tɨ́ kaꞌ vɨɨ mbɨə faŋ vəŋ nəə kɨkweꞌ, tɨꞌnə me dɨdəə, kee gù vəndwey me, yuu ndì jɨɨ Nwi me; vəŋ bee kii bɨbwaŋnə.

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Jɔn 3:22

fì vətɔ mbɨə faŋ nsiŋ ndwaŋ fɨ ghɔ Nwi, buꞌ faŋ nsiŋ nùŋsə ntɨsə si, yɨsə nu ŋkɨə faŋ Nwi kàw.