Jeyms 5:11 - Vengo (Babungo)

¹¹ Maa nsiŋ yaa kɨ gisə laa Nwi nə tu mənɔŋ-bwaŋnə tɔ vɨɨ vɔ́, faŋ vəŋ nə jìa fwisə vəŋ taa ŋɨꞌ nə. Maa viŋ zɔ̀ faŋ Job nə jìa fwi yi. Viŋ kɨ̀ɨ nɨzi faŋ Mɔꞌmbi nə gaŋtə ŋwə fɨ yiba. Kaꞌ viŋ yè fɨ fuŋ laa Mɔꞌmbi yaa kɨ kee gəŋsə vɨɨ dɨdɨꞌ.

Jeyms 5:11 Iomraidhean Croise

Matiu 10:22

Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Lukas 1:50

Ŋwə kee gəŋsə vɨɨ mbɨə faŋ vəŋ fee ŋwə maa shiŋ tɨ̀ me shiŋ.

Lukas 11:10

Viŋ kɔꞌ kɨɨ laa wə tɨ̀ me wə faŋ ŋwə ndwaŋ Nwi, buu Nwi taa kɔ tɨ́ ŋwə. Wə ntɨə faŋ ŋwə kəə jɨɨ Nwi yinsəŋ, buu ŋwə taa ye. Wə faŋ ŋwə buꞌtə, buu vɨ ŋaꞌsə tɨ́ ŋwə.

Lukas 6:36

Viŋ kɨ kee gəŋsə vɨɨ, sheꞌ faŋ Nwi, tɨta wiŋ, kee gəŋsə vɨɨ nə.»

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

Efesɔs 1:6

laa nsiŋ kɨ bəŋsə nu ŋkɨə faŋ Nwi gaŋtə nsiŋ shɔ nə, faŋ ŋkə bàw shɨlə nə. Ŋwə nə kèe gəŋ saŋ-nsiŋ buꞌ ŋwiŋ wi faŋ ŋwə kaw ŋwə dɨdɨꞌ.

Efesɔs 2:4

Luu nə, Nwi faŋ ŋwə kee gəŋsə vɨɨ dɨdɨꞌ nə, ŋwə nə kaw nsiŋ shɔ̀ɔ,

Hibru 10:39

Gə fɨ maa nsiŋ, nsiŋ kee lùu kəŋ vɨɨ vɔ́ faŋ vəŋ taa bəŋ suꞌtə ghuu vəŋ nə, kɨ nii yindi me. Nsiŋ bee kɨ kii biŋ nu Kristo, buu ndɔ zɨ məbwey vəlwaŋ.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 3:14

Nɨniŋ, viŋ kɨ luu kɨ ye ŋɨꞌ, buꞌ faŋ viŋ yɨsə vənu vəjəəvə, buu mənɔŋ-bwaŋnə lùu tɨ́ viŋ. Nɨniŋ, kɨ viŋ baa fee nu faŋ vɨɨ fèsə viŋ nə ŋkə me; kɨ viŋ baa kɨ gwəkə me!

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.