Jeyms 4:8 - Vengo (Babungo)

⁸ Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!

Jeyms 4:8 Iomraidhean Croise

Matiu 12:33

Viŋ bìa tɨ jəə, buu vətaŋ vi ndɔ baw nɨzi. Luu nə, tɨ kɔ́ bɨ, buu vətaŋ vi baa luu bɨ. Maa vɨ yaa kɨ kɨɨ nə tɨ fɨ maa vətaŋ vi.

Matiu 15:2

«Sii yɨ̀ kə vɨɨ məzwetə nu kə shoꞌsə nuŋsə faŋ vɨɨ taa nə nùŋsə nə? Vəŋ kɨ biitə zɨ, vəŋ kee sɔ̀ ghɔ vəŋ me.»

Matiu 27:24

Faŋ Pilate nə ye laa nu kee fùu fɨ maa yigisə yi me, baa ye laa yumə koꞌ yaŋ dɨdɨꞌ, ŋwə bitə muu, sɔ̀ ghɔ yi shɔ vɨsɨ nwaa vɨɨ vɔ́, gì laa, «Viŋ ye, mə kee kìi nu kɔ̀ŋ nu mənshi mə wə ŋwə̀ me, mə lùu məmbuꞌ, luu ŋkiŋ nu.»

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

1 Timoti 2:8

Nɨniŋ, mə kəə laa vəndɔŋ kɨ shɔꞌtə Nwi maa vəshəŋ vənshə faŋ viŋ shəŋtə shɔ nə, shaꞌsə ghɔ vəŋ yizɔ. Bàw vəndɔŋ kɨ shɔꞌtə Nwi nə fwi yimuꞌ, tuu nu bwə kee lùu maa vəŋ me, fwi vəŋ kee kɨ shəsə me.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.

Jeyms 1:8

buꞌ laa ŋwə lùu wə faŋ ŋwə kìi fwisə bɔɔ maa Nwi, kee ghɨ̀sə maa nu kəmuꞌ me.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,

1 Jɔn 3:3

Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.