Jeyms 4:6 - Vengo (Babungo)

⁶ Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

Jeyms 4:6 Iomraidhean Croise

Matiu 13:12

Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kìi fɨ ghɔ ŋwə.

Matiu 23:12

Wə ntɨə faŋ ŋwə koꞌsə ŋwaa wi, vɨ ndɔ suꞌsə ŋwə nsi. Wə ntɨə faŋ ŋwə suꞌsə ŋwaa nsi, vɨ ndɔ koꞌsə ŋwə yizɔ.»

Lukas 1:52

Ŋwə yaa kɨ suꞌsə vəfwàŋ vəweꞌvə fɨ fuu vəkenə vəvəŋ, koꞌsə vɨɨ faŋ vəŋ kee kìi təzii me.

Lukas 14:11

Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Lukas 18:14

Mə naysə tɨ́ viŋ laa wuu məsa vətɔ ghɔ́ nə siꞌ gə̀ taa ŋii ŋwə, vənu vi loomə vɨsɨ Nwi. Nu wuu Farisii kee lòomə me. Lùu nɨniŋ buꞌ laa wə tɨ̀ me wə faŋ ŋwə koꞌsə ŋwaa wi yizɔ, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ ndɔ koꞌsə ŋwə yizɔ.»

Jeyms 4:10

Viŋ suꞌsə ŋwaa wiŋ nsi vɨsɨ Mɔꞌmbi, buu Nwi shaꞌsə viŋ yizɔ.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»