Jeyms 4:5 - Vengo (Babungo)

⁵ Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»

Jeyms 4:5 Iomraidhean Croise

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:35

Viŋ kɔꞌ kɨɨ laa yigi fɨ taa ŋwaꞌlə Nwi lùu yigisə yinsəŋ faŋ nyə gòꞌsə yighee muꞌ. Nɨniŋ, ŋwaꞌlə Nwi tii vɨɨ mbɨə faŋ vəŋ nə nùŋsə yigisə Nwi yɔ́, nə vənwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:37

Vɨ nə baa nyɔ̀ꞌ maa shəŋ mɔ́ꞌ taa ŋwaꞌlə Nwi laa, «Vɨɨ ndɔ ye wə ntɨə faŋ vəŋ nə ndɨəsə ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:42

Maa vɨ nə nyɔ̀ꞌ taa ŋwaꞌlə Nwi laa wuu məbweysə ghɔ́ ndɔ fuu fɨ ŋiꞌ ŋii Deyvid, baa nə laa vɨ ndɔ bi ŋwə ntɨꞌ Betelehem, faŋ luu ntɨꞌ njyə faŋ fwàŋ Deyvid nəə shi shɔ ŋkee fɨshi.

Akts 7:9

Vətɨɨ vaŋ-nsiŋ vɔ́ bee weenshu vəŋ Josef, fìŋ ŋwə shɨ Ijip. Luu nə, Nwi nə luu yiba jɨŋ ŋwə,

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

Roma 9:17

Maa ŋwaꞌlə Nwi gisə kɔ̀ŋ fwàŋ Farao laa, (Nwi gi laa,) «Ŋiꞌ nu ŋkɨə faŋ mə nə nùŋ ghɔ shɔ, lùu laa mə də wutə kaŋ tɨ́ vɨɨ buꞌ ghɔ, baa nə laa vɨ zɔnə yizii nyaa taa mbi yinsəŋ.»

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

2 Kɔrintian 6:16

Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

Galatia 3:8

Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kiasə nu vɨɨ tətɔŋ fu ŋkə loomə, faŋ vəŋ taa kɨ nuŋ fwisə vəŋ maa Kristo. Lùu ŋiꞌ nu ŋkɨə faŋ vɨ nə nyɔ̀ꞌ taa ŋwaꞌlə Nwi, laa Nwi nə fɨ̀ꞌtə ntɔŋ yijəə tɨ́ Abraham, gì tɨ́ ŋwə laa, «Mə ndɔ tu mənɔŋ-bwaŋnə tɔ vɨɨ vənshə fɨ mbi buꞌ ghɔ.»

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.