Jeyms 4:12 - Vengo (Babungo)

¹² Luu sheꞌ Nwi nɨnɔŋ, faŋ ŋwə nə nùŋsə ntɨsə sɔ́, baa kìi wutə maa məsɔꞌ vɨɨ. Ŋwə kìi wutə maa məbweysə vɨɨ fɨ fuŋ, baa kìi wutə maa məndisə vɨɨ nɨzi. Nɨniŋ, a sii lùu ndə, tɨ́ kaꞌ a shia nsɔꞌ tɔ weenshu wə.

Jeyms 4:12 Iomraidhean Croise

Matiu 10:28

Kɨ viŋ kɨ fee vɨɨ mbɨə faŋ kaꞌ vəŋ zwìlə yiŋwaa yiŋ, kee kɨɨ zwi zwitə kiŋ me. Viŋ fee sheꞌ Nwi faŋ kaꞌ ŋwə zwì zwitə kiŋ nə ŋwaa wiŋ maa shəŋ vəŋku və nsisə vəbwəvə taa wi.

Lukas 12:5

Mə taa tɨ viŋ nə wə ntɨə faŋ kaꞌ viŋ kɨ fee. Bàw viŋ kɨ fee Nwi, faŋ kaꞌ ŋwə zwì wə, baa kìi wutə maa məkwaŋ ŋwə taa wisə bwənə. Yinsəŋ, mə gì tɨ́ viŋ laa viŋ kɨ fee Nwi.

Roma 14:13

Nɨniŋ, kɨ nsiŋ baa kɨ sɔꞌ vaŋ-nshwi vaŋ-nsiŋ me. Viŋ bee kii tə sɨ laa kɨ viŋ kɨ yɨsə nu faŋ kaꞌ weenshu wə tùŋ ghuu ki shɔ gu, gaasə ghɔ Nwi me.

Roma 14:4

A sii lùu ndə, tɨ́ kaꞌ a kɨ sɔꞌ wuu faꞌ wə dɨday? Luu sheꞌ tɨɨ faꞌ wi faŋ kaꞌ ŋwə gì laa ŋwə faꞌ jəə, tɨꞌnə me bwə. Luu nə, mə kɨɨ laa nu ki taa kuꞌnə, ŋwə kee gù me, buꞌ laa tɨta wi kìi wutə maa məbɨŋsə ŋwə.

Roma 2:1

Aŋ ghɔ, wə mənsaw, a sii taa fi tɔ kə kɨkə, faŋ a kàw maa məsɔꞌ nsɔꞌsə tɔ vɨɨ nə? A kɔꞌ kɨɨ laa a sɔꞌ nsɔꞌ wə, baa yɨ̀ sheꞌ vənu mbɨə faŋ wə ghɔ́ yɨ̀, buu a bɨ̀sə tɔ kə nɨzi.

Roma 9:20

Aŋ ghɔ, wə mənsaw, a sii lùu ndə, buu kɨ kəə shɔɔnə nə yigisə viŋ Nwi. Kaꞌ fa gì tɨ́ mboo yi laa, a bɔ̀ŋ mə tɨ́ nee buꞌ kə mu?

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Jeyms 5:9

Vaŋ-nshwi vaŋ, kɨ viŋ baa kɨ lulə viŋ viŋ fɨ yiba me, laa kɨ viŋ ndɔ kee gu nsɔꞌ Nwi me, fɔnə wuu məshia nsɔꞌ lùu shuufɔ.