Jeyms 3:6 - Vengo (Babungo)

⁶ Nditə wə faŋ ŋkə lùu yaa bey wi nə, lùu shəŋ ŋkɨə faŋ vənu vəbwəvə vənshə faynə shɔ. Nu bwə yaa kɨ saynə fɨ fuŋ, ŋii taa ŋwaa wə, bɨsə wə ghɔ́ nshə. Nditə yaa kɨ shuꞌ wi faŋ kaꞌ ŋwə twàŋ nshinə wə ghɔ́, zì fɨ maa shi məbi ki, zìꞌ maa shi yiku. Wisə ghɔ́ ndɔ fɨ ghɔ tɨɨ vəzwitə vəbwəvə Satan.

Jeyms 3:6 Iomraidhean Croise

Matiu 12:24

Vɨɨ Farisii zɔ, gì ŋkə-vəŋ laa, «Wə ŋwə̀ fuusə vəzwitə vəbwəvə nə wutə tɨɨ vəzwitə vəbwəvə.»

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Mark 7:15

Viŋ zɔ! Fa kee lùu shɔ, tɨ́ kɨ kaꞌ ŋkə ŋìi taa ŋwaa wə, yɨ̀sə ŋwə kee lùu ley me. Vənu mbɨə faŋ mbə fuu fɨ taa ŋwaa wə, lùu mbɨə faŋ mbə yɨsə ŋwə kee lùu ley me.

Lukas 16:24

Ŋwə yumə nəŋay laa, «Tii ŋwaa, Abraham, kee gəŋ saŋ, tɔ̀ŋ Lasarɔs laa ŋwə shu sheꞌ wee-ghɔ wi taa muu, jwì shu tɔ nditə mə, ŋkə zutə, buꞌ laa ŋɨꞌ nyaa yàŋ dɨdɨꞌ taa wisə ŋwə̀ faŋ ŋwə twaŋ mə nə.»

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

Akts 5:3

Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.

Akts 6:13

tìi vɨɨ mɔ́ꞌ laa vəŋ ŋii, sɨ̀ɨ təba tɔ ŋwə. Vɨɨ vɔ́ gi laa Stefen yaa kɨ gisə bwə kɔ̀ŋ ŋii Nwi yikwalə nyə̀, baa kɔ̀ŋ ntɨsə Mose ghee nshə.

Taytəs 1:11

Bàw vɨ kɨ fəŋ vəŋ, buꞌ laa vəŋ kiasə ŋkee yishuu yindɔꞌ yi vɨɨ, nyə gu, buꞌ faŋ vəŋ fɨꞌtə vənu faŋ mbə kee yikuꞌnə me. Vəŋ yɨ̀ nɨniŋ sheꞌ maa məkəə ka, faŋ lùu nu tɔ dɨɨ.

Jeyms 2:7

Maa luu mfuꞌsə faŋ vəŋ shiasə, ndɔ ndasə yizii yijəənə Yeso Kristo, faŋ Nwi nə shòꞌ viŋ buꞌ ŋwə nə.

Jeyms 3:7

Vɨɨ yaa kɨ sɔꞌ nyaasə sənshə, nə mənwə, nə vətɔ vənshə faŋ mbə toꞌ suu fɨ nsi, nə vətɔ faŋ mbə toꞌ fɨ taa muu. Vətɔ və̀ vənshə, vɨɨ sɔꞌ mbə.

2 Pita 3:3

Viŋ kɔꞌ kɨɨ jəə jəə laa vɨɨ məshɨꞌ vɨɨ Nwi ndɔ fuu, kɨ shɨꞌ viŋ shɨshɨꞌ maa yighee shə. Vɨɨ vɔ́ ndɔ kɨ yɨsə sheꞌ vənu faŋ too vəŋ kàw, kɨ shɨꞌ viŋ shɨshɨꞌ,

3 Jɔn 1:10

Yighee njyə faŋ mə ndɔ jwi yɨ viŋ, mə taa naysə vənu mbɨə faŋ ŋwə yɨsə ntee, laa ŋwə sɨ̀ɨ təba tɔ yia. Nshɨ-tɔ wi kee bìŋ vɨɨ Kristo faŋ lùu vəndɔ ŋii taa ŋii ŋwə me. Nu kɔ́ kee ta yikuꞌnə tɨ́ ŋwə me, ŋwə baa twey tɨ́ vaŋ-nshwi fɨ taa nshəŋtə vɨɨ Kristo laa, kɨ vəŋ kɨ biŋ vɨɨ Kristo vɔ́ ŋii taa ndɔꞌ vəŋ me, bee kɨ nii jɔŋ vaŋ-nshwi vɔ́ fɨ taa nshəŋtə vɨɨ Kristo.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 18:23

Kiꞌ kee ndɔ baa bee shɔ me, gɨ wəndɔŋ məndaa nə wəzwi məndaa kee ndɔ baa luu shɔ me. Nsɔꞌ Nwi jia shɨ kɔ́ buꞌ laa vɨɨ məbeꞌlə yiwiŋ fɨ shɨ yɔ́ nə luu vəshɨꞌ fɨ taa mbi. Shɨ kɔ́ nə bweꞌsə mbi yinshə nə mfi yi.

Reveleyshən 19:20

Vɨ jia nyaa yɔ́, baa jìa wuu məsɨɨ təba wì faŋ ŋwə nəə naysə vəshwenə və shuu yɔŋvə vɨsɨ ŋwə, bweꞌsə vɨɨ shɔ nə, mbɨə faŋ vəŋ nə kìi shwenə nyaa yɔ́, nə vɨɨ mbɨə faŋ vəŋ nəə bəŋsə fənyia fə nyaa yɔ́ nə. Vɨ ndi nyaa yɔ́, ghɔ wuu ntɔŋ wi, vəbwey, mɔ̀ꞌ taa shəŋ wi kwalə faŋ ŋwə kɨɨ, lumə ki zwilə vɨɨ.