Jeyms 3:1 - Vengo (Babungo)

¹ Vaŋ-nshwi vaŋ, kee bàw laa vɨɨ vəyaŋ fɨ taa ŋwaa viŋ gu vɨɨ mədeesə nu Nwi me. Maa viŋ kɨɨ laa nsɔꞌ vɨɨ mədeesə nu Nwi ndɔ lùu yikwalə shɔ̀ɔ njyə vɨɨ mɔ́ꞌ.

Jeyms 3:1 Iomraidhean Croise

Matiu 10:24

Wuu məzwetə nu kee shɔ̀ɔ wuu mədeesə wi me. Buꞌ kee shɔ̀ɔ tii wi me.

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 23:14

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fi ndɔꞌ fɨ ghɔ vəki ŋkusə, zɨ, ndɔ shɔ̀ꞌtə Nwi nə təgi təyaŋ, tay dɨdɨꞌ maa məboꞌ sɨ vɨɨ. Nɨniŋ, nsɔꞌ njyə faŋ Nwi ndɔ kwaŋ maa viŋ, ndɔ weꞌ shɔ̀ɔ ki.

Matiu 9:11

Vɨɨ Farisii ye, bìtə tɨ́ vɨɨ məzwetə nu Yeso laa, «Sii yɨ̀ kə buu tɨta wiŋ kɨ zɨ ghɔ vɨ vɨɨ məsa vətɔ nə vəyɨ-kəbwə?»

Lukas 16:2

Wə ghɔ́ tii wuu məshii ŋii wi ghɔ́, gì tɨ́ ŋwə laa, «Sii lùu kə nə faŋ mə zɔ kɔ̀ŋ ghɔ? Ndi ŋwaꞌlə wə, jwì, sɨ saytə vətɔ vaŋ vənshə, faŋ mə nə nùŋsə tɨ́ ghɔ, buꞌ laa a kee baa kuꞌnə maa wuu məshii ŋii nyaa me.»

Lukas 6:37

«Kɨ viŋ gi nu bwə tɔ vɨɨ me, tɨ́ kaꞌ Nwi kee ndɔ kwaŋ viŋ taa nsɔꞌ me. Kɨ viŋ shia nsɔꞌ tɔ wə me, nɨniŋ laa Nwi kee ndɔ baa kɨ shia nsɔꞌ tɔ viŋ me. Viŋ bee kii ndenə vənu vəbwəvə və vɨɨ, tɨ́ kaꞌ Nwi ndɔ ndenə vənu vəbwəvə viŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:10

Yeso bəŋsə tɨ́ ŋwə laa, «A lùu wuu mədeesə vɨɨ Isirayl, kee kɨ̀ɨ nə nu kɔ́ yimu?

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

2 Kɔrintian 5:10

Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

Efesɔs 4:11

Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə.

1 Timoti 1:7

Vəŋ kəə lùu vɨɨ mədeesə ŋwaꞌlə Nwi, kee kɨ̀ɨ nə nu ŋkɨə faŋ vəŋ gisə me, tɨꞌnə me nu ŋkɨə faŋ vəŋ nuŋsə me.

1 Timoti 2:7

Ŋwə nə nùŋsə mə nɨzi maa nu kɔ́, laa mə luu wuu məfɨꞌtə nu kɔ́, baa lùu wuu ntɔŋ Kristo, deesə nu Nwi tɨ́ vɨɨ tətɔŋ fu faŋ vəŋ kee kɨ̀ɨ nə Nwi me, laa vəŋ nuŋ fwi vəŋ maa Kristo, kɨ̀ɨ nə nu yinsəŋ. Mə gi ŋkee nu yinsəŋ, kee ndi ghaŋ me, laa nshɨ-tɔ Nwi nə tɔ̀ŋ mə maa ntɔŋ yɔ́.

2 Timoti 1:11

Nwi nùŋsə mə laa mə kɨ fɨꞌtə ntɔŋ yijəə yɔ́, baa lùu wuu ntɔŋ Kristo, deesə nu ki tɨ́ vɨɨ.

Hibru 13:17

Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

Jeyms 1:16

Vaŋ-nshwi vaŋ, kɨ viŋ kɨ bweꞌsə yiŋwaa yiŋ me.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.

Jeyms 3:10

Məbəŋsə nə məndasə ndisə fuu sheꞌ fɨ maa shuu ghɔ́ muꞌ. Vaŋ-nshwi vaŋ, ŋkə kee bàw maa məyɨsə nɨniŋ me.

1 Pita 5:3

Kɨ viŋ kɨ sɔꞌ vɨɨ mbɨə faŋ vɨ nùŋ taa ghɔ viŋ nə məshəsə me. Bàw viŋ luu shwenə tɨ́ nwaa bisə ghɔ́.