Jeyms 2:5 - Vengo (Babungo)

⁵ Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

Jeyms 2:5 Iomraidhean Croise

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 5:3

«Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Mark 7:14

Yeso nə gì nɨniŋ, kɨ nii baa tìi nwaa vɨɨ vəyaŋ vɔ́ yɨ ŋwə, gì tɨ́ vəŋ laa, «Bàw viŋ vənshə zɔ nu ŋkɨə faŋ mə taa gi tɨ́ viŋ, kɨɨ nə ŋiꞌ ki.

Lukas 12:21

Lùu nu ŋkɨə faŋ ŋkə gay maa wə tɨ̀ me wə faŋ ŋwə yaa kɨ baytə vətɔ vəyaŋ, fwi yi kee kɨ luu maa Nwi me.»

Lukas 12:32

Nɨniŋ, kɨ viŋ kɨ fee me, faŋ viŋ kɔlə lùu sheꞌ yaa wee-nwaa bisə-njɨɨ, buꞌ laa too Tii wiŋ, tɨta Nwi, nə bàw maa məndɔ kɔ nu yifwàŋ Nwi tɨ́ viŋ.»

Lukas 16:22

Kɨ lùu maa shi mɔ́ꞌ, wuu ŋɨꞌ ghɔ́ ku. Nshiisə-ŋiisə Nwi jwi ndì ŋwə, koꞌ gə̀ nə ŋwə yizɔ, nùŋ ŋwə yɨ tii ŋwaa-nsiŋ Abraham. Tɨɨ ka ghɔ́ baa luu kù nɨzi, vɨ təə ŋwə.

Lukas 16:25

Abraham gi tɨ́ ŋwə laa, «Ŋwiŋ ŋwaa, lumə faŋ a yaa zɨ vətɔ və vəjəəvə maa yighee njyə faŋ a nəə kɨ bii bwey shɨ nsi. Gə fɨ maa Lasarɔs, ŋwə nəə ye ŋɨꞌ. Lùu ndwə vɨ boolə ŋwə feenə, a ye luu ŋɨꞌ.

Lukas 22:29

Nɨniŋ, mə taa kɔ wutə məsɔꞌ vɨɨ tɨ́ viŋ, sheꞌ faŋ Tii ŋwaa fɨ yizɔ nə kɔ̀ tɨ́ mə.

Lukas 6:20

Yeso shaꞌsə tɔ ki, kɨ ndeynə vɨɨ məzwetə nu ki, gì laa, «Mənɔŋ-bwaŋnə lùu tɔ viŋ faŋ viŋ luu mbəəsə, fɔnə viŋ ndɔ zɨ nu yifwàŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:48

Wə muꞌ lùu shɔ taa ŋwaa yia vɨɨ kwalə nə vɨɨ Farisii, faŋ ŋwə bìŋ ŋwə mu?

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

1 Kɔrintian 2:9

Lùu nu yinsəŋ faŋ vɨ nə nyɔ̀ꞌ taa ŋwaꞌlə Nwi laa, «Nwi lootə ŋkee nu kwalə tɨ́ vɨɨ mbɨə faŋ vəŋ kaw ŋwə. Lùu nu faŋ tuu wə nə kee ta yiye me, baa lùu nu faŋ tuu wə nə kee ta yizɔ me, baa lùu nu faŋ tuu wə nə kee ta yibɨꞌtə me.»

2 Kɔrintian 4:15

Vənu vɔ́ vənshə luu buꞌ viŋ, tɨ́ kaꞌ gəŋsə Nwi, faŋ Nwi kee gəŋsə vɨɨ nə, gə̀ nə vɨsɨ, kɨ yɨsə nwaa vɨɨ mbɨə faŋ vəŋ bwaŋ Nwi yaŋ, yizii Nwi kwalə shɔ.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

2 Tesalonika 1:5

Nu kɔ́ lùu shwenə tɨ́ viŋ laa Nwi ndɔ shoꞌtə vənu və vɨɨ, shìa maa jɨɨ yiloomə. Ŋwə ndì viŋ laa viŋ kùꞌnə maa məzɨ nu yifwàŋ Nwi, buꞌ laa viŋ bìŋ ŋɨꞌ yɔ́ nə.

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

2 Timoti 4:18

Tɨta Yeso Kristo ndɔ baa kɨ fuusə mə fɨ taa vənu vəbwəvə vənshə faŋ vɨ kəə yɨsə maa mə, bwèysə mə, nùŋ mə maa nu yifwàŋ ki yizɔ. Bàw nsiŋ kɨ bəŋsə ŋwə ghee nshə, kee shia ki me. Ŋkə goꞌsə nɨniŋ.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Hibru 11:26

Ŋwə nə ndì yaa yinsəŋ laa, kɨ luu yi ye ŋɨꞌ buꞌ vɨɨ Nwi, buu ŋkə taa baw tɨ́ ŋwə, shɔ̀ɔ faŋ ŋwə kìi yifwàŋ yinshə fɨ shɨ Ijip, sheꞌ faŋ Kristo nə mèꞌtə məbaw wi yɨ Nwi, jwì yè ŋɨꞌ shɨ nsi, kù fuu fəŋkɔꞌ nə. Mose nə yɨ̀ nɨniŋ, buꞌ laa ŋwə nə tə̀ sɨ ghi sheꞌ maa vəkeynə mbɨə faŋ mbə ndɔ jwi fɨ ghɔ Nwi.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

Jeyms 1:16

Vaŋ-nshwi vaŋ, kɨ viŋ kɨ bweꞌsə yiŋwaa yiŋ me.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.

Jeyms 1:9

Kɨ luu weenshwi wuu Nwi mɔ́ꞌ luu mbəə, bàw laa ŋwə kɨ ŋaytə, buꞌ laa Nwi shàꞌsə ŋwə yizɔ.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

Reveleyshən 2:9

«Mə kɔꞌ kɨɨ nə ŋɨꞌ yə, nə bəə kə. Luu nə, a kìi yiyaŋ maa jɨɨ yiday. Mə kɨɨ nə ndisə vɨɨ nɨzi, faŋ vəŋ ndasə ghɔ shɔ nə. Lùu vɨɨ faŋ vəŋ gì laa vəŋ lùu vɨɨ Jus. Luu nə, vəŋ kee lùu vɨɨ Jus yinsəŋ me. Ŋii məshəŋtə vəŋ lùu ŋii məshəŋtə Satan, tɨɨ vəzwitə vəbwəvə.

Reveleyshən 21:7

Wə ntɨə faŋ ŋwə jìa fwi yi, twèꞌ maa nu Kristo, buu ŋwə ndɔ ndi fɨ maa muu mbɔ́. Mə kɨ nii luu Nwi wi, ŋwə luu ŋwiŋ ŋwaa.

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.