Jeyms 2:21 - Vengo (Babungo)

²¹ Lumə nu tii ŋwaa-nsiŋ Abraham. Nə yɨsə kə laa Nwi ndi ŋwə maa wuu ley. Ŋkə nə luu buꞌ nu ŋkɨə faŋ ŋwə nə yɨsə faŋ ŋwə nə ndì ŋwiŋ wi Isak, gə̀ kɔ̀ maa məfeꞌ ndey tɨ́ Nwi.

Jeyms 2:21 Iomraidhean Croise

Matiu 12:37

Nwi ndɔ sɔꞌ ghɔ fɨ maa yigisə yə, ndì ghɔ yaa wuu loomə, tɨꞌnə me kwàŋ ghɔ taa nsɔꞌ fɨ maa yigisə yə faŋ a nə gì.»

Matiu 3:9

Kɨ viŋ kɨ bɨꞌtə fɨ taa fwisə viŋ maa məgi laa kaꞌ nu kee baa bɨ̀ tɨ́ viŋ me, buꞌ faŋ Abraham lùu tii wiŋ nə. Mə naysə tɨ́ viŋ laa kaꞌ Nwi ndì ŋoꞌsə sə̀, kìasə, nsə gu vaŋ Abraham.

Lukas 1:73

Luu sheꞌ nu ŋkɨə faŋ ŋwə nə lɨ̀ꞌtə tɨ́ tii ŋwaa-nsiŋ Abraham.

Lukas 16:24

Ŋwə yumə nəŋay laa, «Tii ŋwaa, Abraham, kee gəŋ saŋ, tɔ̀ŋ Lasarɔs laa ŋwə shu sheꞌ wee-ghɔ wi taa muu, jwì shu tɔ nditə mə, ŋkə zutə, buꞌ laa ŋɨꞌ nyaa yàŋ dɨdɨꞌ taa wisə ŋwə̀ faŋ ŋwə twaŋ mə nə.»

Lukas 16:30

Ŋwə laa, «Ŋkə kee yikuꞌnə me. Luu nə, wə kɨ luu fuu fɨ shɨ yiku, gə̀ maa vəŋ, buu vəŋ taa kwiinə fwisə vəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:39

Vəŋ bəŋsə tɨ́ ŋwə laa, tɨɨ vəŋ lùu Abraham. Yeso gi tɨ́ vəŋ laa, «Nii lùu laa viŋ lùu vaŋ Abraham, buu viŋ kɨ yɨ nu ŋkɨə faŋ Abraham nəə yɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:53

Tii wia Abraham nə kù, a kwàlə shɔ̀ɔ ŋwə mu? Nshiisə-ŋii sɔghɔ nə kukə̀. A sii bɨꞌtə laa a lùu ndə?»

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Roma 4:1

Nɨniŋ, nu Abraham, faŋ lùu tɨɨ ŋiꞌ ŋii kaŋ-nsiŋ nə, nə luu kɨkə? Nu ki nə luu kəloomə buꞌ vənu vəjəəvə vi faŋ ŋwə nə yɨ̀sə mu?

Roma 4:12

Abraham baa lùu tɨɨ vɨɨ mbɨə faŋ vɨ sɨ̀ɨtə vəŋ, kee sɨ̀ɨtə vəŋ dayday me. Vɨ sɨ̀ɨtə vəŋ, vəŋ baa luu toꞌ ghuu yitoꞌ tɨɨ vəŋ Abraham, nùŋ fwisə vəŋ maa Nwi, sheꞌ faŋ tii ŋwaa-nsiŋ Abraham nə duꞌtə ŋwə yɨ maa yighee njyə faŋ vɨ nə kee ta sɨ̀ɨtə ŋwə me.

Roma 4:16

Nɨniŋ, Nwi nə kɔ̀ꞌnə nu jəə kɔ́ lùu tɨ́ vɨɨ faŋ vəŋ nùŋ fwisə vəŋ maa Nwi. Nɨniŋ laa ŋkɔꞌnə yɔ́ lùu nu faŋ Nwi kɔ sheꞌ buꞌ gəŋsə si, baa nə laa nu ŋkɨə faŋ ŋwə kɔ̀ꞌnə nə, lùu nu vɨɨ vənshə maa yinsəŋ. Ŋkə kee luu sheꞌ tɨ́ ŋiꞌ ŋii Abraham, faŋ vəŋ kɨ̀ɨ nə ntɨsə Nwi nə me. Ŋkə lùu tɨ́ vɨɨ mbɨə faŋ vəŋ nùŋ fwisə vəŋ maa Nwi yaa Abraham nə yɨ̀. Nɨniŋ, Abraham lùu tii ŋwaa-nsiŋ vənshə vɨsɨ Nwi.

Hibru 11:17

Abraham nə baa luu nùŋ fwi yi maa Nwi maa yighee njyə faŋ Nwi nə mɔŋ ŋwə, gì laa ŋwə taa ndi Isak, faŋ nə luu sheꞌ yigɨꞌ ŋwiŋ wi nə, kɔ̀ Nwi shɔ. Abraham biŋ, kɨ kəə kɔ, faŋ Nwi nə kɔlə kɔ̀ꞌnə ŋwə fɨshi laa,

Jeyms 2:18

Kaꞌ wə mɔ́ꞌ gì shee laa, «A fàꞌ tɨ́ Nwi, gə̀ fɨ maa mə, mə nùŋ fwi nyaa maa Nwi.» Nɨniŋ, sii kaꞌ a də̀ kɨkə faŋ a nùŋ fwi yə maa Nwi, faŋ a kee yɨ vənu vəjəəvə me. Gə fɨ maa mə, kaꞌ mə də̀ tɨ́ ghɔ laa mə nùŋ fwi nyaa maa Nwi fɨ maa vənu vəjəəvə vaŋ faŋ mə yɨsə.

Jeyms 2:24

Bàw viŋ ye laa, luu buꞌ vənu vəjəəvə faŋ wə yɨsə, laa Nwi ndi ŋwə yaa wuu ley. Kee luu sheꞌ buꞌ məbiŋ wi me.