Jeyms 1:9 - Vengo (Babungo)

⁹ Kɨ luu weenshwi wuu Nwi mɔ́ꞌ luu mbəə, bàw laa ŋwə kɨ ŋaytə, buꞌ laa Nwi shàꞌsə ŋwə yizɔ.

Jeyms 1:9 Iomraidhean Croise

Lukas 1:52

Ŋwə yaa kɨ suꞌsə vəfwàŋ vəweꞌvə fɨ fuu vəkenə vəvəŋ, koꞌsə vɨɨ faŋ vəŋ kee kìi təzii me.

Lukas 10:20

Luu nə, kɨ viŋ ŋaytə buꞌ vəzwitə vəbwəvə faŋ mbə zɔnə viŋ nə me. Viŋ kɨ ŋaytə buꞌ laa vɨ nyɔ̀ꞌ təzii tiŋ taa ŋwaꞌlə ŋgwə faŋ vɨ nyɔ̀ꞌ təzii tə vɨɨ mbɨə faŋ vəŋ ndɔ ŋii nu yifwàŋ Nwi shɔ nə.»

Lukas 14:11

Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Lukas 9:48

gì tɨ́ vəŋ laa, «Wə ntɨə faŋ ŋwə ndì wee ŋwə̀, kɨ gaŋtə maa yizii nyaa, buu ŋwə gàŋtə luu mə. Wə ntɨə faŋ ŋwə gàŋtə mə, gàŋtə wə ntɨə faŋ ŋwə nə tɔ̀ŋ mə nə. Wə faŋ luu ŋkee wuu tɨtiꞌ fɨ taa ŋwaa viŋ, buu lùu wuu kwalə.»

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

Filipi 3:14

Mə taa kɔꞌ kɨ gɨgə vɨsɨ, luu ye ndwəsə shəŋ ŋkɨə faŋ mə tə̀ sɨ shɔ nə, tɨ́ kaꞌ mə ndɔ kii vəkeynə mbɨə faŋ Nwi nə tìi mə, laa mə ndɔ kii mbə taa nu yifwàŋ ki buꞌ Yeso Kristo.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

Reveleyshən 2:9

«Mə kɔꞌ kɨɨ nə ŋɨꞌ yə, nə bəə kə. Luu nə, a kìi yiyaŋ maa jɨɨ yiday. Mə kɨɨ nə ndisə vɨɨ nɨzi, faŋ vəŋ ndasə ghɔ shɔ nə. Lùu vɨɨ faŋ vəŋ gì laa vəŋ lùu vɨɨ Jus. Luu nə, vəŋ kee lùu vɨɨ Jus yinsəŋ me. Ŋii məshəŋtə vəŋ lùu ŋii məshəŋtə Satan, tɨɨ vəzwitə vəbwəvə.