Jeyms 1:21 - Vengo (Babungo)

²¹ Nɨniŋ, viŋ meꞌ vənu vəbwəvə vənshə nə vənu mbɨə faŋ mbə fuu fɨ taa njyoꞌ yibwə, bìŋ yigi njyə faŋ Nwi bìa taa fwi siŋ, bìŋ nə fwi yizutə, tɨ́ kaꞌ nyə bweysə fwi siŋ nɨzi.

Jeyms 1:21 Iomraidhean Croise

Matiu 5:5

Mənɔŋ-bwaŋnə tɨ́ vɨɨ zutə, fɔnə vəŋ ndɔ zɨ shɨ nsi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:68

Saymon Pita bəŋsə tɨ́ ŋwə laa, «Tɨta, yia sii nyɨŋ ghɔ, yia baa bèꞌsə ndə? A kìi yigi faŋ nyə kɔ yia nə məbwey vəlwaŋ.

Akts 10:33

Nɨniŋ, mə tɔ̀ŋ ntɔŋ tɨ́ ghɔ yighee muꞌ. A yɨsə jəə faŋ a jwì nə. Yia vənshə baytə feenə ndwə vɨsɨ Nwi, kɨꞌ maa məzɔ nu ŋkɨə faŋ Mɔꞌmbi tɔ̀ŋ ghɔ nə ŋkə.»

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Roma 11:17

Nɨniŋ, Nwi shètə təntaŋ tə tɨ tɔ́, ndì təntaŋ tədaytə, də̀ələ shɔ. Viŋ lùu yaa təntaŋ tədaytə tɔ́, buꞌ faŋ viŋ lùu vɨɨ tətɔŋ fu faŋ vəŋ nə kee kɨɨ nə Nwi me. Viŋ zɨnə viŋ vɨ vɨɨ Jus ndwə, nu fɨ maa muu məjəəmə mbɨə faŋ mbə kòꞌ fɨ taa təghay tə tɨ kɔ́ nə.

Roma 6:17

Mə bwaŋ Nwi buꞌ laa viŋ kee baa lùu vəbuꞌ tɨ́ nu bwə me. Viŋ nə luu vəbuꞌ tɨ́ nu bwə, luu nə, ndwə viŋ nuŋ fwi siŋ maa nu ŋkɨə faŋ vɨ nə dèesə viŋ shɔ nə, zɔnə nu kɔ́ nə fwi yimuꞌ.

1 Kɔrintian 15:2

Luu sheꞌ buꞌ yigi yɔ́ faŋ Nwi bwèysə viŋ, faŋ viŋ nùŋsə yigi yɔ́ sheꞌ faŋ mə nə nàysə tɨ́ viŋ nə. Toꞌ kee lùu nɨniŋ me, buu viŋ nùŋ fwi siŋ maa Kristo sheꞌ dayday.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Efesɔs 4:25

Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ.

Efesɔs 5:4

Kɨ yigisə ŋkɔmə, nə yigisə vəmfaw, nə yigisə yibwənə faŋ nyə kee yikuꞌnə me, kee kɨ fuu fɨ shuu viŋ me! Viŋ bee kɨ kii kɔ məbwaŋ tɨ́ Nwi.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

Taytəs 2:11

Nu məkee gəŋsə faŋ Nwi kee gəŋsə vɨɨ nə, fùu taa mbi, kɨ kəə bwèysə vɨɨ vənshə.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 4:2

Vɨ nàysə ntɔŋ yijəə Nwi tɨ́ nsiŋ sheꞌ faŋ vɨ nə nàysə tɨ́ vɨɨ vɔ́ maa yighee vɨsɨ nə. Luu nə, ntɔŋ yijəə yɔ́ faŋ vɨɨ vɔ́ nə zɔ nə, kee gàŋtə vəŋ me, buꞌ laa vəŋ nə zɔ, kee nùŋ fwi vəŋ shɔ me.

Jeyms 4:8

Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!

Jeyms 5:20

buu viŋ kɔꞌ kɨɨ laa, wə ntɨə faŋ ŋwə gaŋtə wuu bwə laa ŋwə meꞌtə jɨɨ yibwə yi, buu ŋwə bweysə fwi wə ghɔ́ fɨ ghɔ yiku, buu Nwi shitə vənu vəbwəvə vi vəyaŋ faŋ wə ghɔ́ nə yɨsə.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 1:9

Kaꞌ viŋ kɨꞌ ŋwə nə məŋaytə, buꞌ laa Nwi bwèysə viŋ, kɔ̀ məbwey vəlwaŋ tɨ́ viŋ. Lùu nu ŋkɨə faŋ ŋkə fùu fɨ maa məbiŋ wiŋ.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.