Jeyms 1:16 - Vengo (Babungo)

¹⁶ Vaŋ-nshwi vaŋ, kɨ viŋ kɨ bweꞌsə yiŋwaa yiŋ me.

Jeyms 1:16 Iomraidhean Croise

Matiu 22:29

Yeso bəŋsə tɨ́ vəŋ laa, «Viŋ gù, buꞌ laa viŋ kee kɨ̀ɨ nə ŋwaꞌlə Nwi me, tɨꞌnə me wutə Nwi me.

Mark 12:24

Yeso gi tɨ́ vəŋ laa, «Maa viŋ gù maa nu kɔ́, buꞌ laa viŋ kee kɨ̀ɨ nə ŋwaꞌlə Nwi nə wutə Nwi me.

Mark 12:27

Nɨniŋ, Nwi kee lùu Nwi vəŋku vənsisə me; Nwi lùu Nwi vɨɨ bweynə. Nɨniŋ, viŋ gù dɨdɨꞌ.»

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

Galatia 6:7

Kɨ viŋ bweꞌsə yiŋwaa yiŋ me, Nwi kee bìŋ laa wə taw yi me. Fa ŋkɨə faŋ wə sɔ, luu ŋkə faŋ ŋwə ndɔ shwi.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Kɔlɔsii 2:4

Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

2 Timoti 2:18

Vəŋ ndì jɨɨ yinsəŋ Nwi, kɨ gisə laa vəŋku vənsisə duꞌtə vəŋ ywey. Vəŋ kìasə nu Nwi nɨniŋ, ndìsə məbiŋ vɨɨ mɔ́ꞌ faŋ vəŋ nə nùŋ fwi vəŋ maa Kristo nə.

Hibru 13:1

Viŋ kɨ kaw nə yiŋwaa yiŋ, kee bwa me.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,

Jeyms 2:1

Vaŋ-nshwi vaŋ faŋ viŋ nùŋ fwi siŋ maa tɨta Yeso Kristo, faŋ luu tɨta Nshɔɔ-mbi nə, kɨ viŋ baa kɨ seesə mbi me, kee kaw wuu kwalə shɔɔ mbəə me.

Jeyms 2:14

Vaŋ-nshwi vaŋ, wə kɨ luu gi laa yi bìŋ Nwi, kee kɨ yɨsə nu ŋkɨə faŋ Nwi kəə me, buu kaꞌ ŋkə taa gaŋtə ŋwə nə kə? Kaꞌ məbiŋ wi ghɔ́ bweysə ŋwə kɨkə?

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

Jeyms 3:1

Vaŋ-nshwi vaŋ, kee bàw laa vɨɨ vəyaŋ fɨ taa ŋwaa viŋ gu vɨɨ mədeesə nu Nwi me. Maa viŋ kɨɨ laa nsɔꞌ vɨɨ mədeesə nu Nwi ndɔ lùu yikwalə shɔ̀ɔ njyə vɨɨ mɔ́ꞌ.

Jeyms 3:10

Məbəŋsə nə məndasə ndisə fuu sheꞌ fɨ maa shuu ghɔ́ muꞌ. Vaŋ-nshwi vaŋ, ŋkə kee bàw maa məyɨsə nɨniŋ me.

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

Jeyms 5:12

Vaŋ-nshwi vaŋ, nu mɔ́ꞌ faŋ ŋkə shɔ̀ɔ vənu vənshə, lùu laa, yighee njyə faŋ viŋ kəə gi nu, kɨ viŋ baa lɨꞌtə me. Kɨ viŋ lɨꞌtə məkee maa yizii Nwi me, tɨꞌnə me maa yizii shɨ nsi me, tɨꞌnə me lɨ̀ꞌtə tuu kəŋ məkee məmɔ́ꞌ me. Bàw viŋ gi laa ɔŋ, buu lùu ɔŋ. Viŋ gi laa bey, buu lùu bey. Nɨniŋ laa kɨ viŋ ndɔ ŋii nsɔꞌ Nwi me.

Jeyms 5:19

Vaŋ-nshwi vaŋ, wə fɨ taa ŋwaa viŋ kɨ luu ndì jɨɨ yinsəŋ Nwi, wə mɔ́ꞌ gaŋtə ŋwə laa ŋwə baa bɔ̀ŋsə maa jɨɨ Nwi,