Filipi 4:9 - Vengo (Babungo)

⁹ Viŋ kɨ yɨsə vənu mbɨə faŋ mə nə dèesə viŋ shɔ, baa mèꞌtə taa ghɔ viŋ nə. Vənu mbɨə faŋ viŋ nə zɔ̀ fɨ ghɔ mə, baa yè faŋ mə yɨsə, lùu mbɨə faŋ viŋ taa yɨ nɨzi. Nɨniŋ nə, Nwi, faŋ ŋwə kɔ məduꞌ-nyɔŋ tɨ́ vɨɨ nə, taa goꞌsə viŋ vɨ vəŋ.

Filipi 4:9 Iomraidhean Croise

Matiu 1:23

Ŋwə nə nàysə laa lee, «Viŋ zɔ! Ŋgwaŋ wəzwi ndɔ gɔ, bi wee-wəndɔŋ, vɨ shu yizii yi nə Immanuel.» Ŋiꞌ yizii yɔ́ lùu laa, «Nwi taa ŋwaa nsiŋ.»

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Matiu 7:21

Kee ndɔ ŋii vɨɨ vənshə faŋ vəŋ tii mə laa, «Tɨta, tɨta,» ŋìi taa nu yifwàŋ yizɔ me. Ndɔ ŋii sheꞌ wə ntɨə faŋ ŋwə zɔnə ntɨsə Tii ŋwaa fɨ yizɔ.

Lukas 6:46

Yeso baa gi laa, «Sii yɨ̀ kə viŋ tii mə laa «tɨta, tɨta», kee kɨ yɨsə nu ŋkɨə faŋ mə gisə me?

Lukas 8:21

Ŋwə bəŋsə tɨ́ vəŋ laa, «Nshu ŋwaa nə vaŋ-nshwi vaŋ lùu vɨɨ mbɨə faŋ vəŋ zɔ yigisə Nwi, biŋ, toꞌ nɨniŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:17

Viŋ kɨɨ nə nu kɔ́, kɨ yɨ nɨniŋ, buu mənɔŋ-bwaŋnə lùu tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:14

Viŋ lùu vɨɨmba vaŋ faŋ viŋ yɨ nu ŋkɨə faŋ mə tɨ̀sə viŋ shɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:5

Nshu wi gi tɨ́ vɨɨ faꞌ laa, «Ŋwə taa jwi gì laa kə, viŋ kɨ yɨyɨsə!»

Akts 9:6

Ndɔ yizɔ, ŋìi taa ntɨꞌ nyə̀, buu vɨ taa naysə nu ŋkɨə faŋ a taa yɨsə tɨ́ ghɔ.»

Roma 15:33

Nwi faŋ ŋwə kɔ məduꞌ-nyɔŋ tɨ́ vɨɨ nə, luu viŋ vɨ vəŋ vənshə. Ŋkə lùu nɨniŋ.

Roma 16:20

Nwi faŋ ŋwə kɔ məduꞌ-nyɔŋ tɨ́ vɨɨ nə, taa fiitə tɨɨ vəzwitə vəbwəvə Satan ŋiꞌ ghuu viŋ, ŋkə kee baa luu ntaŋ me. Tɨta ŋwaa-nsiŋ Yeso tu mənɔŋ-bwaŋnə tɔ viŋ!

1 Kɔrintian 10:31

Mə bəŋsə tɨ́ kəŋ wə ghɔ́ laa, bàw viŋ kɨ bəŋsə sheꞌ Nwi maa vənu vənshə faŋ viŋ yɨsə. Yighee njyə faŋ viŋ zɨ fazɨ, tɨꞌnə me nu fa, tɨꞌnə me yɨ nu mɔ́ꞌ, viŋ kɨ yɨsə maa jɨɨ njyə faŋ nyə taa kɔ feenə tɨ́ Nwi.

1 Kɔrintian 14:33

Lùu nɨniŋ buꞌ laa nu məbuulə vənu kee bàw tɨ́ Nwi me. Ŋkə bàw tɨ́ Nwi faŋ nsiŋ toꞌ nə məduꞌ-nyɔŋ fɨ taa nshəŋtə vɨɨ Nwi yinshə.

1 Kɔrintian 4:16

Nɨniŋ, mə buꞌ ghɔ tɨ́ viŋ laa viŋ beꞌsə ghuu yitoꞌ kaŋ.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

Filipi 3:17

Vaŋ-nshwi vaŋ, viŋ vənshə kɨ toꞌ nə nshinə njyə faŋ viŋ yè maa mə nə. Viŋ kɨ ndeynə vɨɨ mbɨə faŋ vəŋ yɨ jəə maa jɨɨ yinjii. Yia lùu vəshwenə, tɨ́ kaꞌ viŋ kɨ beꞌsə.

Filipi 4:7

Viŋ yɨ nɨniŋ, buu Nwi taa kɔ məduꞌ-nyɔŋ tɨ́ viŋ, faŋ luu nu kwalə shɔ̀ɔ vənu vənshə faŋ kaꞌ wə bɨꞌtə fɨ tɔ ŋwə. Nu kɔ́ kɔ fwi yizutə tɨ́ viŋ, yɨ laa nu kee baa luu shɔ bùulə mbɨꞌtə yiŋ me, faŋ viŋ nùŋ fwi siŋ maa Yeso Kristo nə.

1 Tesalonika 1:6

Viŋ nə zwètə nshinə yia baa nə nshinə tɨta Yeso, buꞌ faŋ viŋ nə zɔ̀ nu Nwi, bìŋ nə məŋaytə, faŋ vɨ nə kɔlə kɔ ŋɨꞌ tɨ́ viŋ ŋkee yiyaŋ. Nə yɨsə Zwitə Ley Nwi laa viŋ nə bìŋ nə məŋaytə nə.

1 Tesalonika 2:14

Vaŋ-nshwi via, viŋ ndi ghuu yitoꞌ vɨɨ Nwi fɨ shɨ Judia, faŋ vəŋ lùu vɨɨ Nwi fiiba Yeso Kristo, buꞌ faŋ viŋ ye ŋɨꞌ fɨ ghɔ vɨɨ shɨ viŋ, sheꞌ faŋ vɨɨ Jus vɔ́ ye ŋɨꞌ fɨ ghɔ vɨɨ shɨ vəŋ nə.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

2 Tesalonika 3:4

Yia nùŋ fwi sia maa viŋ buꞌ tɨta Kristo laa viŋ kɨ yɨsə nu ŋkɨə faŋ yia nàysə tɨ́ viŋ nə, viŋ kɨ yɨyɨsə, taa baa kɔꞌ yɨyɨsə nɨniŋ.

2 Timoti 4:22

Tɨta Yeso Kristo goꞌsə taa fwi ghɔ! Mənɔŋ-bwaŋnə Nwi luu taa ŋwaa viŋ!

Jeyms 1:22

Viŋ kɨ zɔ yigisə Nwi yɔ́, yɨsə nɨzi, buꞌ viŋ bweꞌsə yiŋwaa yiŋ.

2 Pita 1:10

Nɨniŋ, vaŋ-nshwi vaŋ, viŋ kɨ tɨŋnə weꞌ maa vənu vɔ́, laa viŋ ndɔ zɨ vənu mbɨə faŋ Nwi nə tìi viŋ shɔ nə. Viŋ kɨ luu kɨ beꞌsə vənu vɔ́, kaꞌ viŋ kee ndɔ baa gu me.

1 Jɔn 3:22

fì vətɔ mbɨə faŋ nsiŋ ndwaŋ fɨ ghɔ Nwi, buꞌ faŋ nsiŋ nùŋsə ntɨsə si, yɨsə nu ŋkɨə faŋ Nwi kàw.