Filipi 4:8 - Vengo (Babungo)

⁸ Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

Filipi 4:8 Iomraidhean Croise

Matiu 22:16

Vəŋ tɔŋ vɨɨ məzwetə nu vəŋ ghɔ vɨ vɨɨ məbiŋ nu fwàŋ Herod tɨ́ Yeso. Vɨɨ vɔ́ gə yè Yeso, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ faŋ ŋwə deesə jɨɨ Nwi yinsəŋ, kee fee wə me, buꞌ laa a kee lùu wuu fəntɔ-fə-yisɨ me.

Mark 6:20

buꞌ laa fwàŋ Herod nəə fee Jɔn, tɨ́ ŋwə nə kɨɨ laa Jɔn nə luu ŋkee wuu ley vɨsɨ Nwi, faŋ vənu vi lùu vəloomə. Nɨniŋ, fwàŋ Herod nəə shiinə ŋwə, zɔnə yigisə yi yighee mɔ́ꞌ, zɔ nu ki nə məŋaytə.

Lukas 16:15

Ŋwə gi tɨ́ vəŋ laa, «Viŋ lùu vɨɨ faŋ viŋ kɨɨ yɨsə laa viŋ luu vɨɨ loomə yikəꞌ vɨɨ. Luu nə, Nwi kɨɨ nə fwi siŋ. Viŋ kɔꞌ kɨɨ laa nu, faŋ luu ŋkee nu kwalə yikəꞌ vɨɨ, luu ŋkee nu bwə tɨ́ Nwi.

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Lukas 23:50

Wə mɔ́ꞌ nə luu shɔ, yizii yi lùu Josef. Ŋwə nə luu shɨꞌ fɨ shɨ, baa lùu wuu jəə, vənu vi lùu vəloomə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:18

Wə ntɨə faŋ ŋwə gisə fɨ taa ŋkɨɨ ŋwə, kəə yizii yikwalə maa nshɨ-tɔ wi. Luu nə, wə ntɨə faŋ ŋwə kəə yikwalə wə ntɨə faŋ ŋwə nə tɔ̀ŋ ŋwə, lùu wuu yinsəŋ, kee lùu wuu məbweꞌsə vɨɨ me.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 22:12

Wə mɔ́ꞌ nə luu shɔ ntɨꞌ Damaskɔs, yizii yi luu Ananias. Ŋwə nə luu wuu weꞌ maa ntɨsə Nwi, vɨɨ Jus vənshə fɨ ntɨꞌ Damaskɔs biŋ ŋwə yaa wuu jəə.

Akts 6:3

Nɨniŋ, vaŋ-nshwi, viŋ shoꞌ vɨɨ fɨ taa ŋwaa viŋ kwatia, faŋ vɨ kɨɨ laa Zwitə Ley Nwi lwàŋ taa fwisə vəŋ, baa nə yitɔfə; yia taa kɔ nu məgaasə vətɔ tɨ́ vəŋ.

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

Roma 13:3

Vɨɨ məsɔꞌ shɨ kee dùꞌ laa vɨɨ məyɨ vənu vəjəəvə kɨ fee vəŋ me, vəŋ duꞌ laa vɨɨ faŋ vəŋ yɨ vənu vəbwəvə fee vəŋ. Nɨniŋ, a kee kàw laa a duꞌ, fèe vɨɨ məsɔꞌ shɨ me, buu a yɨsə nu ŋkɨə faŋ ŋkə bàw, buu vəŋ biŋ ghɔ.

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Roma 2:29

Wuu Jus yinsəŋ lùu wə faŋ fwi yi ley, sheꞌ yaa vɨ sɨ̀ɨtə ŋwə fɨ maa fwi yi, faŋ lùu nu faꞌ Zwitə Nwi. Ŋiꞌ wuu Jus kee lùu nu faŋ vɨ ye nə yisɨ maa mbasə ŋwaa wi me, luu nə, lùu nu fwi yi. Kəŋ wə ghɔ́ fi bəŋsə wi fɨ ghɔ Nwi, kee fi fɨ ghɔ vɨɨ me.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

2 Kɔrintian 13:7

Yia buꞌ ghɔ tɨ́ Nwi laa kɨ viŋ yɨ tuu nu bwə me. Kɨ mə kee gì nɨniŋ, tɨ́ kaꞌ yia ndɔ fuu yaa vɨɨ faꞌ jəə tɨ́ Nwi me. Mə kəə sheꞌ laa viŋ yɨ nu ŋkɨə faŋ ŋkə lùu kəloomə, faŋ ŋkə kɔlə ghɨɨ yaa yia gù nu.

2 Kɔrintian 6:8

Yia toꞌ nɨniŋ faŋ vɨɨ kɔ feenə tɨ́ yia, tɨꞌnə me kwaŋ tɔ dɨɨ maa yia, faŋ vɨɨ gisə vənu vəbwəvə tɔ yia, tɨꞌnə me vənu vəjəəvə. Faŋ vɨɨ kɔlə gi laa yia fɨnə vɨɨ məbweꞌsə vɨɨ, yia lùu vɨɨ yinsəŋ.

2 Kɔrintian 8:18

Yia tɔ̀ŋ Titɔs, baa kɨ tɔŋ weenshu ŋwaa-nsiŋ mɔ́ꞌ ghɔ ŋwə, faŋ yizii yi gə dɨdɨꞌ taa ndɔꞌ Nwi maa məfɨꞌtə ntɔŋ yijəə Nwi.

2 Kɔrintian 8:21

Yia kəə yɨsə nu faŋ ŋkə bàw, kee bàw sheꞌ yikəꞌ Mɔꞌmbi me, yia kəə laa ŋkə bàw sɨ vɨɨ nɨzi.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Efesɔs 4:25

Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ.

Efesɔs 5:9

Faŋ viŋ lùu taa məley ghɔ́, buu viŋ taa kɨ yɨsə vənu vəjəəvə, nə vənu vəloomə, nə vənu və yinsəŋ.

Efesɔs 6:14

Nɨniŋ, viŋ tɨŋnə, shùŋ nu yinsəŋ ŋiꞌ viŋ yaa kɔtə. Njwi yighaw yiŋ luu laa viŋ duꞌ sheꞌ taa nu loomə.

Filipi 3:1

Vaŋ-nshwi vaŋ, vəndwə və yigi vaŋ lùu laa, viŋ kɨ ŋaytə maa tɨta Kristo. Faŋ mə kɔlə nyɔ̀ꞌ vənu faŋ mə nə tèꞌsə nyɔ̀ꞌ nə, mə kee bee yibwa maa mənyɔꞌ vənu vɔ́ me. Yigi yɔ́ taa kɨ yɨsə viŋ weꞌ maa nu Nwi.

Kɔlɔsii 4:5

Gə fɨ maa nshinə yiŋ, viŋ kii yitɔfə maa vɨɨ mbɨə faŋ kee lùu vɨɨ Nwi me! Kɨ viŋ kɨ bɨsə yighee njyə faŋ Nwi kɔ̀ tɨ́ viŋ, laa viŋ kɨ faꞌ tɨ́ ŋwə nə me!

1 Tesalonika 4:12

Viŋ yɨ nɨniŋ laa ghuu yitoꞌ kiŋ baw tɨ́ vɨɨ mbɨə faŋ vəŋ kee lùu vɨɨ Nwi me, baa nə laa viŋ kee kɨ bəə fa laa vəŋ kɨ gaŋtə viŋ shɔ me.

1 Timoti 2:2

Viŋ kɨ shɔꞌtə Nwi nɨniŋ tɔ vəfwàŋ nə vəshɨꞌ vənshə, tɨ́ kaꞌ nsiŋ kɨ duꞌ jəə, baa duꞌ bwaŋnə, bəŋsə Nwi maa vənu vənshə, baa duꞌ maa jɨɨ yiley.

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

1 Timoti 3:4

Bàw ŋwə luu wə faŋ ŋwə sɔꞌ vɨɨ taa ŋii ŋwə jəə, jia vaŋ vi jəə, vəŋ zɔnə ŋwə, gwènə ŋwə.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 5:2

tɨsə vəki vətaavə yaa vənshwi və, tɨsə zawə mbə vəki yaa vaŋ-nshwi və nɨzi, jiatə ŋwaa tɨ́ vəŋ maa vənu vənshə.

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Hibru 11:2

Bàw nsiŋ zwetə fɨ ghɔ vɨɨ ywaŋ-vɨsɨ, faŋ vəŋ nə nùŋ fwisə vəŋ maa Nwi, buu Nwi biŋ vəŋ.

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 4:8

Nu ŋkɨə faŋ ŋkə shɔ̀ɔ vənu vənshə lùu laa, viŋ kɨ kawnə yiŋwaa yiŋ, kee bwa me, buꞌ laa ŋkawnə yaa kɨ bɔŋ vənu vəbwəvə vəyaŋ.

2 Pita 3:1

Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.

1 Jɔn 3:3

Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.