Filipi 4:7 - Vengo (Babungo)

⁷ Viŋ yɨ nɨniŋ, buu Nwi taa kɔ məduꞌ-nyɔŋ tɨ́ viŋ, faŋ luu nu kwalə shɔ̀ɔ vənu vənshə faŋ kaꞌ wə bɨꞌtə fɨ tɔ ŋwə. Nu kɔ́ kɔ fwi yizutə tɨ́ viŋ, yɨ laa nu kee baa luu shɔ bùulə mbɨꞌtə yiŋ me, faŋ viŋ nùŋ fwi siŋ maa Yeso Kristo nə.

Filipi 4:7 Iomraidhean Croise

Lukas 1:79

kɨ bee maa vɨɨ faŋ vəŋ dùꞌ taa shəŋ mfiŋsə, faŋ ndɨŋ yiku gù shɔ. Ŋwə baa luu kiasə ghuu yitoꞌ kaŋ-nsiŋ maa jɨɨ mənɔŋ-bwaŋnə.»

Lukas 2:14

«Nsiŋ kɨ bəŋsə Nwi fɨ yizɔ, məduꞌ-nyɔŋ shɨ nsi tɨ́ vɨɨ gəŋsə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:27

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 5:1

Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

Roma 8:6

Nu mətə sɨ maa vətɔ və mbasə ŋwaa wə yaa kɨ jwi nə yiku. Nu mətə sɨ maa nu Zwitə Ley Nwi, ndɔ jwi nə məbwey vəlwaŋ, nə məduꞌ-nyɔŋ.

2 Kɔrintian 10:5

suꞌsə mbɨɨsə ŋii sənshə faŋ nsə fə̀ŋ nu məkɨɨ nə Nwi. Yia ndɔ jia mbɨꞌtə vɨɨ yinshə, yɨ̀sə nyə zɔnə Kristo.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Efesɔs 3:19

Nɨniŋ, viŋ taa kɨɨ nə ŋkawnə Kristo nɨzi, faŋ nyə kwàlə shɔ̀ɔ. Kaꞌ yitɔfə wə kee kuꞌnə maa məkɨɨ nə ŋkawnə yi, faŋ ŋwə kàw vɨɨ shɔ̀ɔ ki nə me. Faŋ viŋ kɨ̀ɨ nə ŋkawnə yi yɔ́, buu vənu və Nwi vənshə ŋii taa fwisə viŋ, lwàŋ nee, fùꞌ.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 1:2

Nwi, tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ.

Filipi 4:19

Viŋ kɔꞌ kɨɨ laa Nwi ŋwaa taa kɔ vətɔ vənshə tɨ́ viŋ, faŋ viŋ bəə mbə. Nwi kìi vətɔ faŋ mbə shɔ̀ɔ ki. Ŋwə ndɔ kɔ tɨ́ viŋ ŋkee jəə buꞌ Yeso Kristo.

Filipi 4:21

Shɔꞌtə vɨɨ Nwi vənshə faŋ Yeso Kristo shòꞌ vəŋ laa lùu mbii vɨɨ shee. Vaŋ-nshwi vaŋ-nsiŋ maa yizii Kristo, faŋ yia vɨ vəŋ lùu feenə, shɔꞌtə viŋ nɨzi.

Filipi 4:9

Viŋ kɨ yɨsə vənu mbɨə faŋ mə nə dèesə viŋ shɔ, baa mèꞌtə taa ghɔ viŋ nə. Vənu mbɨə faŋ viŋ nə zɔ̀ fɨ ghɔ mə, baa yè faŋ mə yɨsə, lùu mbɨə faŋ viŋ taa yɨ nɨzi. Nɨniŋ nə, Nwi, faŋ ŋwə kɔ məduꞌ-nyɔŋ tɨ́ vɨɨ nə, taa goꞌsə viŋ vɨ vəŋ.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

2 Tesalonika 3:16

Ŋkee nshɨ-tɔ Tɨɨ mənɔŋ-bwaŋnə kɔ viŋ nə mənɔŋ-bwaŋnə ghee nshə maa jɨɨsə sənshə! Tɨta Kristo goꞌsə viŋ vɨ vəŋ vənshə!

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»