Filipi 4:6 - Vengo (Babungo)

⁶ Kɨ viŋ baa kɨ ghaysə ŋwaa kɔ̀ŋ vətɔ faŋ kaꞌ mbə taa bəə fɨ ghɔ viŋ me. Viŋ kɨ kii bee shɔꞌtə Nwi ghee nshə, kɨ naysə vətɔ mbɨə faŋ viŋ kəə tɨ́ Nwi. Faŋ viŋ ndwaŋ Nwi, bàw viŋ baa bwàŋ ŋwə nɨzi.

Filipi 4:6 Iomraidhean Croise

Matiu 10:19

Vɨ ndɔ kɨ jia viŋ, gə nə viŋ nɨniŋ, kɨ viŋ bɨŋ maa təgi faŋ viŋ taa gi me, tɨꞌnə me buꞌ nu faŋ viŋ taa gi me. Nwi ndɔ kɨ kɔ nu ŋkɨə faŋ viŋ taa gi tɨ́ viŋ sheꞌ maa yighee yɔ́.

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Matiu 6:34

Nɨniŋ, kɨ viŋ kɨ saŋ ŋwaa wiŋ buꞌ nu mbisɨ me. Shi mbisɨ taa lootə nu sheꞌ maa nshɨ-tɔ wi. Ŋɨꞌ ndee kùꞌ tɨ́ ndee.»

Matiu 6:8

Nɨniŋ, kɨ viŋ fɨnə vəŋ me. Nwi, Tii wiŋ, kɔꞌ kɨɨ nə nu ŋkɨə faŋ ŋkə bəə fɨ ghɔ viŋ maa yighee njyə faŋ viŋ kee bee ta ndwàŋ tɨ́ ŋwə me.

Lukas 10:41

Tɨta Yeso bəŋsə tɨ́ ŋwə laa, «Aŋ Marta, a bɨŋ ghaysə ŋwaa wə maa vətɔ vəyaŋvə.

Lukas 12:22

Yeso baa kɨ gì tɨ́ vɨɨ məzwetə nu ki laa, «Viŋ zɔ! Mə gi tɨ́ viŋ laa kɨ viŋ kɨ saŋ ŋwaa wiŋ buꞌ nu məbwey kiŋ, laa viŋ sii taa zɨ kə me, kee kɨ saŋ ŋwaa wiŋ buꞌ nu ŋwaa kiŋ, laa viŋ sii taa shuŋ kə me.

Lukas 12:29

Nɨniŋ, kɨ viŋ kɨ tə sɨ maa fa ŋkɨə faŋ viŋ taa zɨ me, tɨꞌnə me maa fa ŋkɨə faŋ viŋ taa nu me. Kɨ viŋ bɨŋ maa vətɔ vɔ́ me.

Lukas 18:1

Yeso baa tìi yigisə tii yimɔ́ꞌ tɨ́ vəŋ maa mədə laa ŋkə bàw maa məshɔꞌtə Nwi ghee nshə, kee bwa me.

Lukas 18:7

Faŋ ŋkə lùu nɨniŋ nə, Nwi taa gaŋtə vɨɨ mbɨə faŋ Nwi nə shoꞌ laa luu mbii vɨɨ ŋkee maa yinsəŋ, faŋ vəŋ gwia ŋɨꞌ vəŋ tɨ́ ŋwə vətuꞌ nə shɨshwi. Yinsəŋ, Nwi taa gaŋtə vəŋ, kee gəŋsə vəŋ.

1 Kɔrintian 7:21

Wə ntɨə faŋ ŋwə nə luu buꞌ maa yighee njyə faŋ Nwi nə tìi ŋwə, kɨ ŋwə shəŋ maa nu yiŋkii me. Kɨ luu ŋwə kii jɨɨ maa məfuu fɨ taa faꞌ vəbuꞌ ghɔ́, bàw ŋwə fuu.

1 Kɔrintian 7:32

Mə kəə laa, kɨ vənu baa kɨ ghaysə viŋ me. Vɨɨ faŋ vəŋ kee yindaa me, lumə sheꞌ vənu və Nwi, kəə jɨɨsə maa məyɨsə too Kristo baw.

2 Kɔrintian 1:11

Viŋ taa kɨ gaŋtə yia nɨzi, faŋ viŋ shɔꞌtə Nwi tɔ yia. Nɨniŋ laa vɨɨ vəyaŋ kɨ bwaŋ Nwi tɨ́ yia, buꞌ laa ŋwə bwèysə yia faŋ vɨɨ vəyaŋ bùꞌ ghɔ tɨ́ ŋwə nə.

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Kɔlɔsii 4:2

Viŋ kɨ shɔꞌtə Nwi ghee nshə, kee bwa me! Viŋ kɨ shi nə yikɨꞌ, bwaŋ Nwi maa vənu vənshə!

1 Timoti 2:1

Mfɔŋ nu faŋ mə kəə tɨ ghɔ shɔ, lùu laa viŋ kɨ buꞌ ghɔ tɨ́ Nwi, shɔꞌtə ŋwə, fàynə shuu wiŋ, bùꞌ ghɔ tɨ́ ŋwə, kɔ̀ bwaŋ-wee tɨ́ ŋwə, yɨ̀sə nɨniŋ tɔ vɨɨ vənshə.

1 Timoti 5:5

Gə fɨ maa zu ŋku faŋ ŋwə dùꞌ tɔ ŋwə, tuu wə muꞌ kee lùu ghɔ ŋwə me, ŋwə kɨꞌ vənu vənshə fɨ ghɔ Nwi, wèꞌ maa məbuꞌ ghɔ tɨ́ Nwi, shɔꞌtə Nwi vətuꞌ baa nə shɨshwi.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 5:7

Viŋ meꞌtə vənu vənshə faŋ mbə ghaysə viŋ taa ghɔ Nwi, buꞌ laa shiinə ŋwə shiinə viŋ.