Filipi 4:3 - Vengo (Babungo)

³ Mə buꞌ ghɔ tɨ́ Sisigɔs, faŋ yia ŋwə nə fàꞌ mɔ́ꞌ nə, laa ŋwə gaŋtə vəki vɔ́, tɨ́ kaꞌ vəŋ baa kɨ duꞌ bwaŋnə, buꞌ laa yia vɨ vəŋ nə kɨ̀ɨtə mɔ́ꞌ yighee vɨsɨ buꞌ nu Nwi nə, sheꞌ yuu Klement nə vɨɨ mɔ́ꞌ faŋ vəŋ beꞌsə yia nə. Nwi nyɔ̀ꞌ təzii təvəŋ taa ŋwaꞌlə məbwey vəlwaŋ.

Filipi 4:3 Iomraidhean Croise

Lukas 10:20

Luu nə, kɨ viŋ ŋaytə buꞌ vəzwitə vəbwəvə faŋ mbə zɔnə viŋ nə me. Viŋ kɨ ŋaytə buꞌ laa vɨ nyɔ̀ꞌ təzii tiŋ taa ŋwaꞌlə ŋgwə faŋ vɨ nyɔ̀ꞌ təzii tə vɨɨ mbɨə faŋ vəŋ ndɔ ŋii nu yifwàŋ Nwi shɔ nə.»

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 16:12

Shɔꞌtə Trifayna nə Trifosa faŋ vəŋ sàŋ ŋwaa vəŋ maa məfaꞌ faꞌ tɨta Kristo. Shɔꞌtə Persis nɨzi, faŋ mə kàw ŋwə; ŋwə nə fàꞌ faꞌ Mɔꞌmbi dɨdɨꞌ.

Roma 16:9

Shɔꞌtə Urbanɔs, faŋ nsiŋ vɨ vəŋ nəə faꞌ faꞌ Kristo mɔ́ꞌ nə, nə Stakis faŋ mə kàw ŋwə.

Filipi 1:12

Vaŋ-nshwi vaŋ, bàw viŋ kɨɨ nə vənu mbɨə faŋ mbə nə gày maa mə feenə. Vɨ kwàŋ mə taa ŋii mfiŋ, luu nə, nu kɔ́ yɨsə sheꞌ laa nu Nwi saynə taa ŋwaa vɨɨ.

Filipi 1:16

fɨꞌtə nu Nwi buꞌ laa vəŋ kaw mə, kɨɨ laa vɨ kwàŋ mə taa nsɔꞌ buꞌ nu Kristo, laa mə twelə taa ŋii nsɔꞌsə laa ntɔŋ yijəə Nwi lùu nu yinsəŋ.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 1:5

buꞌ laa viŋ nəə beꞌsə mə maa faꞌ yigisə Nwi, shù fɨ́ maa yighee njyə faŋ viŋ nə fɔŋ zɔ ntɔŋ yijəə Nwi, jwi kɔ tɔ və-ndee.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Filipi 4:2

Mə kìi nu maa mənaysə tɨ́ Yiodia nə Sintayki. Ŋkə lùu laa, mə gì tɨ́ viŋ ŋkee nəŋay laa, viŋ luu nə fa kəmuꞌ maa yizii tɨta Yeso.

Kɔlɔsii 1:7

Viŋ nə zwètə nu Nwi fɨ ghɔ Epafras. Ŋwə lùu wuu faꞌ Kristo sheꞌ yaa yia, yia kàw ŋwə dɨdɨꞌ. Ŋwə tɨŋ tɔ yia taa ŋwaa viŋ, faꞌ faꞌ Kristo sheꞌ jəə jəə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 17:8

Nyaa yɔ́ faŋ a ye nə, nə fɔŋ lùu fa faŋ ŋkə lùu kəbwey. Luu nə, nyə kee baa lùu mbi ndwə me. Nɨniŋ, nyə ndɔ baa koꞌ fɨ taa wee-nsi-yibay, baa lùu shɔ, kɨ nii yindi. Shuu vɨɨ fɨ taa mbi yɔŋ faŋ vəŋ yè nyaa yɔ́ faŋ nyə nə luu shɔ, kee baa lùu shɔ nə me, ndɔ baa lùu shɔ. Luu nə, taa yɔŋ sheꞌ shuu vɨɨ mbɨə faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, yuu vɨ nə nyɔ̀ꞌ təzii tə vɨɨ Nwi taa ŋwaꞌlə ghɔ́ shù fɨ faŋ Nwi nə kìasə kɨ bɔŋ mbi nə.

Reveleyshən 20:12

Mə kɨ nii yè vəŋku vənsisə vəkwalə nə vətiitə, vəŋ tɨŋ vɨsɨ kenə kɔ́. Vɨ ŋaꞌsə vəŋwaꞌlə, baa ŋaꞌsə ŋwaꞌlə mɔ́ꞌ faŋ lùu ŋwaꞌlə məbwey vəlwaŋ. Vɨ sɔꞌ vəŋku vənsisə maa nu ŋkɨə faŋ vəŋ nə yɨ̀sə, faŋ vɨ nə nyɔ̀ꞌ taa vəŋwaꞌlə vɔ́.

Reveleyshən 20:15

Wə tɨ̀ me wə faŋ vɨ nə kee nyɔ̀ꞌ yizii yi taa ŋwaꞌlə məbwey vəlwaŋ me, vɨ mɔꞌ ŋwə taa wi yɔ́.

Reveleyshən 21:27

Tuu fa faŋ ŋkə kee lùu kəley me, kee ŋìi taa shɨ yɔ́ me, tɨꞌnə me wə faŋ ŋwə yɨsə vənu vəbwəvə, tɨꞌnə me sɨɨ təba me. Ndɔ ŋii sheꞌ vɨɨ mbɨə faŋ təzii təvəŋ lùu taa ŋwaꞌlə məbwey vəlwaŋ faŋ ŋwə lùu ghɔ bi-njɨɨ yɔ́ nə, ŋii taa shɨ yɔ́.

Reveleyshən 3:5

Wə ntɨə faŋ ŋwə tɨ̀ŋnə, wèꞌ maa nu kaŋ, kɨ ghɔꞌ nu bwə, buu vɨ ndɔ mɔꞌ njwisə fusə maa ŋwə. Mə nyɔꞌ yizii yi taa ŋwaꞌlə məbwey vəlwaŋ, kee ndɔ baa ndɨɨsə me. Mə biŋ yizii yi vɨsɨ Tii ŋwaa, baa nə vɨsɨ nshiisə-ŋiisə Nwi.»