Filipi 4:10 - Vengo (Babungo)

¹⁰ Mə ŋaytə ŋkee dɨdɨꞌ, baa bwaŋ tɨta Nwi, buꞌ laa viŋ baa tey kɨ kɨꞌ mə nə. Ŋkə gə̀ ŋkee ntaŋ, faŋ viŋ nə kɨ̀ꞌ mə nə. Nɨniŋ, mə kìi məŋaytə yaŋ ndwə. Mə kɔꞌ kɨɨ laa viŋ yaa lumə mə ghee nshə, luu nə, viŋ nə kee kìi jɨɨ kɨ gaŋtə mə me.

Filipi 4:10 Iomraidhean Croise

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 6:7

gisə yigi yibinə, weꞌ nə wutə Nwi, nywenə maa nu ŋkɨə faŋ ŋkə lùu kəloomə ŋkee nə wutə, yuu wuu yighaw faŋ ŋwə jia vətɔ və yighaw maa kwiŋ maꞌnə nə kwiŋ ŋkwii nɨzi.

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Galatia 6:6

Bàw laa wə tɨ̀ me wə faŋ ŋwə zwetə nu Nwi fɨ ghɔ wə, kɨ gaasə vətɔ vi, kɔ tɨ́ wə ntɨə faŋ ŋwə deesə ŋwə nə.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 1:3

Yighee tɨ̀ me yighee faŋ mə lùmə viŋ, mə bwaŋ Nwi ŋwaa buꞌ viŋ.

Filipi 2:30

Viŋ kɔꞌ kɨɨ laa nu ŋkɨə faŋ ŋkə yɨ̀ faŋ ŋwə yaa zasə, kɨ kəə ku nə, luu buꞌ faꞌ ŋgwə faŋ ŋwə faꞌ tɨ́ Kristo nə. Viŋ nə tɔ̀ŋ ŋwə shee, laa ŋwə metə faꞌ wiŋ shee. Ŋwə nə biŋ jwi faŋ nə kɔlə luu ntɔŋ tɨ́ kaꞌ ŋwə gə shɔ ku nə.