Filipi 3:3 - Vengo (Babungo)

³ Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 3:3 Iomraidhean Croise

Roma 1:9

Mə lumə viŋ ghee nshə vɨsɨ Nwi. Nshɨ-tɔ Nwi faŋ mə faꞌ faꞌ wi nə fwi nyaa yinshə, sàynə ntɔŋ yijəə kɔ̀ŋ ŋwiŋ wi nə, kɔꞌ kɨɨ laa mə lùmə viŋ.

Roma 15:17

Nɨniŋ, kaꞌ mə kɨ ŋaytə, bə̀ŋsə Nwi buꞌ nu Yeso Kristo faŋ mə faꞌ faꞌ Nwi nə.

Roma 7:6

Gə̀ fɨ maa ndwə, ntɨsə sɔ́ kee baa sɔꞌ nsiŋ me. Nsiŋ gàasə nsiŋ vɨ nuŋsə yɔ́ faŋ mbə nə kà nsiŋ nə. Nsiŋ kukə tɨ́ nuŋsə yɔ́, kìi nshinə yifi, faŋ Zwitə Ley Nwi kɔ̀ tɨ́ nsiŋ nə. Nɨniŋ, nsiŋ faꞌ nu jəə tɨ́ Nwi, kee baa fàꞌ maa jɨɨ yimwa njyə faŋ vɨ nyɔ̀ꞌ taa ŋwaꞌlə ntɨsə nə me.

Roma 8:15

Zwitə ŋkɨə faŋ viŋ yaa fi nə, kee yɨsə laa viŋ gu vəbuꞌ, baa kɨ fee me. Zwitə kɔ́ yɨsə laa viŋ luu vaŋ Nwi binə. Nɨniŋ, nsiŋ tii ŋwə laa, «Aŋ Tii wia.»

Roma 8:39

tɨꞌnə me fa faŋ ŋkə lùu yizɔ, tɨꞌnə me fa faŋ ŋkə lùu ŋiꞌ nsi, tɨꞌnə me fa day faŋ Nwi nə naysə̀, kìi wutə maa məgaasə nsiŋ vɨ ŋkawnə Nwi yɔ́ me. Nwi nə də̀ ŋkawnə yi yɔ́ tɨ́ nsiŋ fɨ yiba tɨta ŋwaa-nsiŋ Yeso Kristo.

Roma 9:6

Kɨ mə kee gì laa, ŋkɔꞌnə Nwi tɨ́ vɨɨ Isirayl ndi me. Luu nə, vɨɨ Isirayl yinsəŋ kee lùu vɨɨ vənshə faŋ vəŋ fùu fɨ ŋiꞌ ŋii Isirayl me.

2 Kɔrintian 11:18

Nɨniŋ, faŋ vɨɨ vəyaŋ lùu shɔ faŋ vəŋ koꞌsə yiŋwaa buꞌ nu wə mənsaw nə, mə taa yɨ sheꞌ nɨniŋ,

Galatia 5:25

Zwitə Nwi kɨ luu ŋìi taa ŋwaa nsiŋ, bàw nsiŋ shi nə nshinə njyə faŋ Zwitə Nwi kɔ́ də̀ tɨ́ nsiŋ.

Galatia 6:16

Mənɔŋ-bwaŋnə Nwi nə gəŋsə Nwi tɔ vɨɨ mbɨə faŋ vəŋ beꞌsə nshinə yifi yɔ́, nə taa ŋwaa vɨɨ yinsəŋ Nwi!

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 3:12

Kɨ mə kee gì laa mə duꞌtə mə kìi vətɔ mbɨə faŋ mə tə̀ sɨ shɔ nə me. Mə kee gì laa mə duꞌtə mə luu ŋkee wuu bɔŋsə me. Luu nə, mə gə nə vɨsɨ, ŋɨɨlə shɔ nəŋay, tɨ́ kaꞌ mə ndɔ kii vənu vɔ́ maa mə. Mə kəə kii vənu vɔ́, buꞌ laa Yeso Kristo, kìi mə taa ghɔ ŋwə.

Filipi 3:14

Mə taa kɔꞌ kɨ gɨgə vɨsɨ, luu ye ndwəsə shəŋ ŋkɨə faŋ mə tə̀ sɨ shɔ nə, tɨ́ kaꞌ mə ndɔ kii vəkeynə mbɨə faŋ Nwi nə tìi mə, laa mə ndɔ kii mbə taa nu yifwàŋ ki buꞌ Yeso Kristo.

Kɔlɔsii 2:11

Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.