Filipi 3:12 - Vengo (Babungo)

¹² Kɨ mə kee gì laa mə duꞌtə mə kìi vətɔ mbɨə faŋ mə tə̀ sɨ shɔ nə me. Mə kee gì laa mə duꞌtə mə luu ŋkee wuu bɔŋsə me. Luu nə, mə gə nə vɨsɨ, ŋɨɨlə shɔ nəŋay, tɨ́ kaꞌ mə ndɔ kii vənu vɔ́ maa mə. Mə kəə kii vənu vɔ́, buꞌ laa Yeso Kristo, kìi mə taa ghɔ ŋwə.

Filipi 3:12 Iomraidhean Croise

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Akts 9:15

Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

Roma 8:39

tɨꞌnə me fa faŋ ŋkə lùu yizɔ, tɨꞌnə me fa faŋ ŋkə lùu ŋiꞌ nsi, tɨꞌnə me fa day faŋ Nwi nə naysə̀, kìi wutə maa məgaasə nsiŋ vɨ ŋkawnə Nwi yɔ́ me. Nwi nə də̀ ŋkawnə yi yɔ́ tɨ́ nsiŋ fɨ yiba tɨta ŋwaa-nsiŋ Yeso Kristo.

1 Kɔrintian 13:10

Yighee njyə faŋ Nwi ndɔ yɨsə vənu vənshə fuu ntee sɨ vɨɨ, buu vənu vɔ́ faŋ mbə kee yikuꞌnə nə me, ndɔ mè.

1 Kɔrintian 13:12

Vənu faŋ nsiŋ ye ndwə, nsiŋ kee ye vəley me. Nsiŋ ye sheꞌ yaa vɨ ye taa ŋwaꞌlə məye sɨ, faŋ ŋwə kee lùu ley me. Ndɔ luu shi mɔ́ꞌ, nsiŋ ye Nwi nə sɨ nə sɨ. Ndwə yitɔfə nyaa-nsiŋ kee ta yikuꞌnə me. Ndɔ luu shi kɔ́, vənu vənshə luu vəley tɨ́ nsiŋ, sheꞌ faŋ Nwi kɨ̀ɨ nə nsiŋ maa vənu vənshə.

1 Kɔrintian 9:24

Yighee njyə faŋ vɨɨ yaa kɨ sɨɨnə ghuu, vɨɨ vəyaŋ nyɨ̀ŋ, luu nə, taa kii sheꞌ wə muꞌ kìi vəkeynə. Nu mətoꞌ yaa wuu Nwi luu sheꞌ yuu məsɨɨnə ghuu ghɔ́. Nɨniŋ, viŋ nyɨŋ nəŋay, baa nyɨŋ jəə, laa viŋ ndɔ kii vəkeynə vɔ́.

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 5:17

Ŋkitə vɨɨ kee lùu yaa njyə faŋ nyə kìi Zwitə Nwi me; ŋkitə Zwitə Nwi kee lùu yaa njyə vɨɨ me. Ŋkitə wə nywenə ghɔ Zwitə Ley Nwi. Lùu ŋiꞌ nu ŋkɨə faŋ ŋkə yɨsə laa viŋ kee yuu kɨ yɨsə nu ŋkɨə faŋ viŋ kəə kɨ yɨsə me.

Efesɔs 1:4

Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 3:16

Luu nə, kɨ nsiŋ bəŋ yiba me; nsiŋ kɨ beꞌsə vənu mbɨə faŋ nsiŋ nə teꞌsə beꞌsə nə.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

1 Tesalonika 5:15

Viŋ kɨ ye laa kɨ wə bəŋsə bwə nə bwə me. Viŋ bee kii kɨ yɨ̀sə jəə maa viŋ, viŋ viŋ, baa luu yɨ̀sə jəə maa vɨɨ vənshə.

2 Tesalonika 2:13

Vaŋ-nshwi via, fwi sia dɔŋsə yia laa yia kɨ bwaŋ Nwi ghee nshə buꞌ viŋ, faŋ Mɔꞌmbi kàw viŋ nə, buꞌ laa Nwi nə shòꞌ viŋ shù fɨshi, laa viŋ ndɔ baw shɨlə, gə̀ nə vɨsɨ. Yɨsə Zwitə Nwi laa viŋ baw, gə̀ nə vɨsɨ nə, baa nùŋ fwi maa nu yinsəŋ.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 6:19

Vəŋ kɨ luu kɨ yɨ nɨniŋ, buu vəŋ baytə nu jəə, faŋ vəŋ ndɔ zɨ yighee yiba, ndɔ zɨ məbwey vəlwaŋ faŋ luu ŋkee məbwey yinsəŋ.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Hibru 12:23

Viŋ lùu fɨ maa mfɔŋsə vaŋ Nwi taa mfaynə yɔ́, faŋ Nwi nə nyɔ̀ꞌ təzii təvəŋ taa ŋwaꞌlə yizɔ. Viŋ ndɔ tɨŋ vɨsɨ Nwi faŋ ŋwə sɔꞌ vɨɨ vənshə. Viŋ ndɔ faynə viŋ vɨ vɨɨ vɔ́ fɨ ywaŋ-vɨsɨ, faŋ Nwi nə ndì vəŋ yaa vɨɨ loomə nə.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

Jeyms 3:2

Nsiŋ vənshə ndì vənu vəyaŋ. Wə kɨ luu kee ndì nu nə shuu wi me, buu wə ghɔ́ bàw shɨ̀lə; kaꞌ ŋwə jiatə ŋwaa wi nshə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.