Filipi 2:9 - Vengo (Babungo)

⁹ Ŋwə nə yɨ̀ nɨniŋ, buu Nwi kɔ yikwalə tɨ́ ŋwə faŋ nyə shɔ̀ɔ ki, baa shù yizii maa ŋwə faŋ nyə kwàlə shɔ̀ɔ təzii tənshə.

Filipi 2:9 Iomraidhean Croise

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:3

Yeso kɨɨ nɨzi laa, tɨta Nwi nə nùŋsə vənu vənshə ghɔ ŋwə, baa nə laa ŋwə nə ndɔ̀ fɨ yɨ Nwi, baa bəŋ gə̀ yɨ Nwi,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:11

Mə kee baa lùu taa mbi me, luu nə, vɨɨ vaŋ vɔ́ goꞌ taa mbi, faŋ mə jɨjwi yɨ ghɔ nə. Tɨta faŋ a bàw shɨlə, kɨ kɨꞌ vəŋ, vəŋ goꞌ maa yizii yə, faŋ a nə kɔ̀ shee nə, laa vəŋ luu fa kəmuꞌ, sheꞌ faŋ nsoo lùu fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:12

Yighee njyə faŋ mə yaa luu yia vɨ vəŋ, mə nəə shiinə vəŋ, vəŋ goꞌsə maa yizii yə, faŋ a nə kɔ̀ shee nə. Mə nəə ndeynə vəŋ, tuu wə fɨ vəŋ muꞌ kee ndì me, tɨ̀ lɨꞌ sheꞌ wuu ndwaŋ wì, faŋ nə luu wuu ndi fɨ maa vənzi. Nɨniŋ laa nu ŋkɨə faŋ ŋkə lùu taa ŋwaꞌlə Nwi faynə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:5

Nɨniŋ, tɨta ŋwaa, baa kɔ yikwalə nyaa shee, faŋ mə jɨjwi yɨ ghɔ ndwə nə. Sɨ kii yikwalə mɔ́ꞌ shəŋ muꞌ, sheꞌ faŋ sɨ nə kìi yikwalə shəŋ muꞌ yighee vɨsɨ, shù fɨ maa yighee njyə faŋ mbi nə kee ta lùu shɔ me.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Kɔlɔsii 1:18

Ŋwə baa lùu tɔ fɨ taa vəməshəŋtə və vɨɨ Nwi, sɔꞌ vɨɨ Nwi vənshə, sheꞌ faŋ tɔ wə sɔꞌ ŋwaa wə nshə nə. Ŋwə baa lùu vənzi və ŋii Nwi, baa luu mfɔŋ wə maa məywey fɨ shɨ yiku. Nɨniŋ laa ŋwə luu vɨsɨ maa vənu vənshə.

2 Tesalonika 1:12

Bàw ŋwə kɨ yɨsə nɨniŋ, laa viŋ ndɔ kɨ bəŋsə yizii tɨta ŋwaa-nsiŋ Yeso. Vɨ baa luu bəŋsə viŋ buꞌ ŋwə, buꞌ laa Nwi ghɔ tɨta Yeso Kristo kee gəŋsə siŋ.

Hibru 1:4

Nɨniŋ, Nwi nə yɨ̀ laa ŋwiŋ wi ghɔ́ kwàlə shɔ̀ɔ nshiisə-ŋiisə Nwi. Yizii yi faŋ Nwi nə shù maa ŋwə, shɔ̀ɔ təzii tənshə.

Hibru 1:9

Lùu vənu və yinsəŋ faŋ mbə yɨsə a ŋaytə, a bee vənu mbɨə faŋ mbə bɨsə ntɨsə Nwi. Lùu ŋiꞌ nu ŋkɨə faŋ Nwi, faŋ lùu Nwi wə, shoꞌ ghɔ laa a kii məkwalə nə məŋaytə shɔ̀ɔ vaŋ-nshwi və.»

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.

2 Pita 1:17

Yia nə luu shɔ maa yighee njyə faŋ Nwi nə də̀ məkwalə Yeso Kristo nə feenə wi. Yia nə zɔ̀ faŋ Nwi, faŋ ŋwə kìi wutə kənshə nə, nə gì laa, «Lùu ŋwiŋ ŋwaa nə faŋ mə kàw ŋwə. Ŋwə baw too mə dɨdɨꞌ.»

3 Jɔn 1:7

buꞌ laa vɨɨ vɔ́ nə fùu maa nu Yeso Kristo, kee kaw fi fa fɨ ghɔ wə faŋ kee lùu wuu Kristo me.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»

Reveleyshən 19:16

Vɨ nyɔꞌ maa njwi yi maa yiŋii yi laa, «Fwàŋ vəfwàŋ, nə Tɨɨ vɨɨ məsɔꞌ mbi.»

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»

Reveleyshən 5:12

Vəŋ gi ŋkee nə gɨ yishaꞌsə laa, «Bi njyə faŋ vɨ nə zwì tɔ vɨɨ nə, kùꞌnə maa məzɨ yifwàŋ yi, nə yikwalə Nwi, baa nə yitɔfə, nə wutə. Bàw vɨ kɨ kɔ feenə tɨ́ ŋwə, bəŋsə ŋwə, shɔꞌtə ŋwə!»