Filipi 2:8 - Vengo (Babungo)

⁸ Yighee njyə faŋ ŋwə nə luu wə nə, ŋwə baa sùꞌsə ŋwaa wi nsi, bìŋ yiku, ŋkee yiku vɨɨ bwənə, faŋ vɨ nə bèy ŋwə fuu fəŋkɔꞌ fə ŋkɨꞌsə.

Filipi 2:8 Iomraidhean Croise

Matiu 17:2

Vəŋ ziꞌ yifi, ŋwaa Yeso kiasə fɨ yikəꞌ vəŋ, yikəꞌ yi bee yaa shɨshwi, njwisə si fu laa buu.

Matiu 26:39

Ŋwə filə gə, tùŋ yikəꞌ yi nsi maa məshɔꞌtə Nwi, gì laa, «Tii ŋwaa, jɨɨ yiday lùu shɔ, a yɨ̀ ndaw ŋɨꞌ nyə̀ shɔ̀ɔ fɨ maa mə. Luu nə, kɨ ŋkə gay maa ŋkitə nyaa me; yɨ nu ŋkɨə faŋ ŋkə lùu taa ŋkitə yə.»

Matiu 26:42

Ŋwə baa kii bəŋ gə̀ maa məshɔꞌtə Nwi lwesə ghee bɔɔ, gì laa, «Tii ŋwaa, ŋkitə yə gay, faŋ a bɨꞌtə laa jɨɨ yiday kee lùu shɔ tɨ́ kaꞌ ndaw ŋɨꞌ nyə̀ shɔ̀ɔ, maa laa mə nu me.»

Lukas 9:29

Ŋwə kɨ shɔꞌtə Nwi, yikəꞌ yi kiasə gu kəŋ mɔ́ꞌ nee, njwi si fu laa buu, nɨndwaꞌlə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:18

Ŋkə kee lùu laa wə ndɔ baꞌsə məbwey fɨ ghɔ mə nə wutə ki me. Ndɔ biŋ mə biŋ yiku ŋgɨɨ-mə. Mə kìi wutə maa məbiŋ yiku, baa nə wutə maa məywey fɨ shɨ yiku. Nə kɔ̀ Tii ŋwaa kɔ ntɨ nyə̀ nə wutə kɔ́ shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:31

Mə yɨ sheꞌ nu ŋkɨə faŋ Tii ŋwaa gì laa mə yɨ, tɨ́ kaꞌ mbi nyə̀ kɨɨ laa mə kaw Tii ŋwaa. - Ŋkə kuꞌ. Viŋ ndɔ, nsiŋ gə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:10

Kaꞌ viŋ goꞌsə taa ŋkawnə nyaa faŋ viŋ nuŋsə ntɨsə saŋ, sheꞌ faŋ nshɨ-tɔ ŋwaa nə nùŋsə ntɨsə Tii ŋwaa, buu gòꞌsə taa ŋkawnə yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Akts 8:33

Faŋ ŋwə nə bwàsə ŋwaa wi nsi nə, Nwi ŋaꞌsə nsɔꞌ tɔ ŋwə. Kɨ kaꞌ sày ndə sày ŋiꞌ ŋii ki, buꞌ laa vɨ bàꞌsə məbwey wi fɨ shɨ nsi?»

Roma 5:19

Vɨɨ vənshə nə gù vəyɨ-kəbwə buꞌ nu wə muꞌ, faŋ ŋwə nə kee zɔ̀nə Nwi me. Sheꞌ nɨniŋ, vɨɨ vənshə ndɔ luu vəloomə tɨ́ Nwi buꞌ nu wə muꞌ faŋ ŋwə zɔ̀nə Nwi.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 12:4

Yighaw njyə faŋ viŋ vɨ nu bwə tuŋ, nyə kee ta ziꞌ maa nu fənshi me.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.