Filipi 2:7 - Vengo (Babungo)

⁷ Ŋwə nə bee kii mèꞌtə vənu vənshə, kii gù luu buꞌ, vɨ bi ŋwə faŋ vɨ yaa kɨ bi wə, ŋwə ta, toꞌ sheꞌ yaa wə.

Filipi 2:7 Iomraidhean Croise

Matiu 12:18

Ŋwə nə ŋwàꞌlə laa Nwi gì laa, «Viŋ ye wuu faꞌ ŋwaa faŋ mə shòꞌ, baa luu kàw. Ŋwə bàw too mə. Mə taa kwaŋ Zwitə kaŋ maa ŋwə, ŋwə kɨ fɨꞌtə nu ŋkɨə faŋ ŋkə lùu kəloomə tɨ́ vɨɨ mbɨə faŋ vəŋ kee kɨ̀ɨ nə nu kaŋ me.

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Mark 9:12

Ŋwə bəŋsə tɨ́ vəŋ laa, «Ɔŋ, vɨɨ vɔ́ gì yinsəŋ laa Elias jwi ŋkəə, lòotə vənu vənshə, mbə neꞌtə. Lùu nɨniŋ. Gə fɨ maa wuu məbweysə ghɔ́, vɨ nyɔ̀ꞌ kə taa ŋwaꞌlə Nwi buꞌ Wuu yinsəŋ Nwi? Maa vɨ nyɔ̀ꞌ laa ŋwə ndɔ ghaa ye ŋɨꞌ yiyaŋ, vɨɨ shia ŋwə.

Lukas 22:27

Sii kwalə ndə? Kwalə wə ntɨə faŋ ŋwə duꞌ nsi, kɨ zɨ mu, mu lùu wə ntɨə faŋ ŋwə faꞌ tɨ́ vɨɨ? Maa lùu wə ntɨə faŋ ŋwə duꞌ nsi, kɨ zɨ. Lùu faŋ ŋkə lùu taa mbi. Gə fɨ maa nsiŋ, ŋkə kee lùu nɨniŋ me. Mə lùu taa ŋwaa viŋ yaa wuu faꞌ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Roma 1:3

Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.

Roma 15:3

Nshɨ-tɔ Kristo nə kee bàwsə sheꞌ too wi me. Ŋwə nə tòꞌ yuu ŋkə lùu taa ŋwaꞌlə Nwi kɔ̀ŋ ŋwə laa, «Ndisə faŋ vɨɨ ndasə ghɔ shɔ nə, gù maa mə.»

Roma 15:8

Mə gì laa Kristo nə gù wuu məgaŋtə vɨɨ tɨ́ vɨɨ Isirayl, faŋ vɨ sɨ̀ɨtə vəŋ nə, maa mədə laa Nwi lùu wuu yinsəŋ, baa nə laa ŋkɔꞌnə Nwi faŋ Nwi nə kɔ̀ꞌnə tɨ́ vətɨɨ vəvəŋ nə, gù nu yinsəŋ.

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

2 Kɔrintian 13:4

Vɨ nə kɨ bey ŋwə fuu fəŋkɔꞌ fə ŋkɨꞌsə, tɨ́ ŋwə bwa. Luu nə, ŋwə baa bwey buꞌ wutə Nwi. Luu sheꞌ faŋ yia toꞌ nɨniŋ nɨzi: yia bəə ŋay fɨ yiba ŋwə, luu nə, yia ndɔ bwey taa ŋwaa viŋ, yia ŋwə, wèꞌ tɨ́ viŋ buꞌ wutə Nwi kɔ́.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

Filipi 2:6

Faŋ ŋwə nə kɔlə kìi ŋkɨꞌnə yi ghɔ Nwi mɔ́ꞌ nə, ŋwə nə kee jìa nu kɔ́ nə wutə me, laa ghɔ Nwi gòꞌ nɨndɨŋ me.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 13:3

Viŋ lumə vɨɨ mbɨə faŋ vəŋ lùu taa ŋii mfiŋ buꞌ nu Nwi. Bàw ŋkə luu tɨ́ viŋ yaa viŋ lùu taa ŋii mfiŋ nɨzi, viŋ vɨ vəŋ. Viŋ baa lumə vɨɨ mbɨə faŋ vəŋ ye ŋɨꞌ, yaa vɨɨ faŋ vəŋ kɨ bii vɨɨ viŋ.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.